ឥណ្ឌូនេស៊ី នឹងបង្កើនសន្តិសុខក្នុងរដ្ឋធានី ក្នុងពេលដែលនឹងមានមហាបាតុកម្មកើតឡើង

ហ្សាការតាៈ ប៉ូលីសឥណ្ឌូនេស៊ី បាននិយាយនៅថ្ងៃព្រហស្បតិ៍នេះថា ខ្លួននឹងដាក់ពង្រាយប៉ូលីសប្រហែល ៨.៧០០នាក់ ដើម្បីត្រួតពិនិត្យចំពោះការធ្វើមហាបាតុកម្ម ដែលគ្រោងនឹងធ្វើឡើងនៅថ្ងៃសុក្រស្អែក និងថ្ងៃទី០២ ខែធ្នូខាងមុខ នៅរដ្ឋធានី ហ្សាការតា។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២៤ ខែវិច្ឆិកា ឆ្នាំ២០១៦ បានឲ្យដឹងថា ប៉ូលីសនឹងប្រុងប្រយ័ត្នឲ្យបានពេញលេញ និងត្រៀមខ្លួនសម្រាប់គម្រោងនៃការធ្វើមហាបាតុកម្មដ៏អាក្រក់នេះ។

មេបញ្ជាការកងពលតូចនៃប៉ូលីសជាតិឥណ្ឌូនេស៊ីលោក Murad Ismail បាននិយាយថា កងសន្តិសុខទាំងនោះ នឹងធ្វើទីស្នាក់ការចល័តនៅរដ្ឋធានី ហ្សាការតា និងតំបន់មួយចំនួនទៀត នៅទូទាំងប្រទេស។

សូមជម្រាបផងដែរថា ក្រុមអ្នកកាន់សាសនាតឹងរ៉ឹងរបស់មូស្លីម បានសន្យាថានឹងរៀបចំធ្វើមហាបាតុកម្ម ដើម្បីទាមទារឲ្យឃុំខ្លួនអភិបាលក្រុង ហ្សាការតាគឺលោក Basuki Tjahaja Purnama ជុំវិញរឿងរ៉ាវដែលលោកបានពោលពាក្យអាក្រក់ ឬបានដាក់បណ្តាសារទៅលើគម្ពីរគូរ៉ាន កាលពីខែកញ្ញាកន្លងទៅ៕

resized_bced1-a50f2d30indonesia