ពាណិជ្ជកម្មរវ...

ពាណិជ្ជកម្មរវាងកូរ៉េខាងជើង និងចិន នៅតែកើនឡើង ទោះបីមានទណ្ឌកម្មសេដ្ឋកិច្ច

ចែកចាយបន្ត

សៀងហៃៈ ការធ្វើពាណិជ្ជកម្មរវាងប្រទេស កូរ៉េខាងជើង និងប្រទេសចិន បានកើនឡើងក្នុងរយៈពេល ០៣ខែជាប់ៗគ្នា ចុងក្រោយនេះ ដែលនេះបានបង្ហាញពីការសង្ស័យជុំវិញចិនដែលជាប្រទេសបានចូលរួមនៅក្នុងការដាក់ទណ្ឌកម្មផ្នែកសេដ្ឋកិច្ចជាមួយសហគមន៍អន្តរជាតិ ទៅលើសម្ព័ន្ធមិត្តរបស់ខ្លួន តែបែរជាមកបង្កើនទំហំពាណិជ្ជកម្មជាមួយគ្នាទៅវិញ។ នេះបើតាមទិន្នន័យពាណិជ្ជកម្មរបស់ចិន ដែលបង្ហាញនៅថ្ងៃសុក្រនេះ។

យោងតាមសារព័ត៌មានកូរ៉េខាងត្បូង យ៉ុនហាប់ ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៦ បានឲ្យដឹងដោយផ្អែកតាមទិន្នន័យដែលចេញដោយអគ្គនាយកដ្ឋានគយរបស់ចិនថា ប្រទេសកុម្មុយនីស្តទំាងពីរ បានធ្វើពាណិជ្ជកម្មជាមួយគ្នាក្នុងតម្លៃ ៥២៥,២៤លានដុល្លារអាម៉េរិក ក្នុងខែតុលា គឺបានកើនឡើងដល់ ២១,១ភាគរយ កើនឡើងពីឆ្នាំមុនដែលមានត្រឹមតែ ៤៣៣,៧៣លានដុល្លារអាម៉េរិក។

ទិន្នន័យបានឲ្យដឹងទៀតថា ចិនបាននំាចេញក្នុងតម្លៃ ២៨៦,៨៦លានដុល្លារ ទៅប្រទេសកូរ៉េខាងជើង កើនឡើង ១៦,១ភាគរយកាលពីឆ្នាំមុន និងបាននាំចូលពីកូរ៉េខាងជើងវិញ ២៣៨,៣៨លានដុល្លារ កើនឡើង ២៧,៦ភាគរយ បើធៀបនឹងឆ្នាំមុន៕

aen20161125006900315_01_i

ចែកចាយបន្ត