តួកគីគំរាមបើក...

តួកគីគំរាមបើកព្រំដែនឲ្យជនភៀសខ្លួនហូរចេញ ក្រោយ EU បង្កកកិច្ចពិភាក្សារឿងខ្លួន

ចែកចាយបន្ត

អ៉ីស្តង់ប៊ុលៈ ប្រធានាធិបតីតួកគីលោក Recep Tayyip Erdogan នៅថ្ងៃសុក្រ បានគំរាមបើកព្រំដែន ដើម្បីឲ្យជនភៀសខ្លួនខុសច្បាប់ សម្រុកចូលទៅអឺរ៉ុប។ ការគំរាមនេះ បានកើតឡើងមួយថ្ងៃបន្ទាប់ពីសមាជិកសភាសហភាពអឺរ៉ុប បានបោះឆ្នោតបង្កកកិច្ចពិភាក្សាជុំវិញការចរចាលើចេតនាដែលរដ្ឋាភិបាលទីក្រុង អង់ការ៉ា ចង់ចូលអឺរ៉ុបវិញ។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៦ បានឲ្យដឹងដោយផ្អែកតាមការលើកឡើងរបស់លោក Erdogan នៅក្នុងកិច្ចប្រជុំក្នុងទីក្រុង អ៉ឺស្តង់ប៊ុលថា «ប្រសិនបើអ្នកបន្ថែមទៀត ទ្វារព្រំដែនតួកគីនឹងបើក អញ្ចឹងអ្នកគួរតែដឹងហើយ»។ ប្រធានាធិបតីតួកគីបានធ្វើការគំរាមបែបនេះ គឺស្រដៀងនឹងការគំរាមកាលពីលើកមុនផងដែរ។

លោកក៏បានរិះគន់អឺរ៉ុបទៀតថា «មិនដែលស្មោះត្រង់ចំពោះមនុស្សជាតិ» ហើយថា «តួកគី បើកព្រំដែនរបស់ខ្លួនដើម្បីសង្គ្រោះជនភៀសខ្លួនពីការទម្លាក់គ្រាប់បែកទាំងធុងៗ»។

លោកបន្ថែមថា ជាមួយនឹងការបើកព្រំដែនសង្គ្រោះជនភៀសខ្លួននេះ រដ្ឋាភិបាលទីក្រុង អង់ការ៉ា បានចំណាយថវិកា ១៥ពាន់លានដុល្លារអាម៉េរិក ទៅលើជនភៀសខ្លួនជាង ០៣លាននាក់ ជាមួយនឹងការសាងសង់ជម្រកឲ្យពួកគេ ប៉ុន្តែសហភាពអឺរ៉ុបវិញ បានផ្តល់ត្រឹមតែប្រមាណ ៧០០លានដុល្លារប៉ុណ្ណោះ សម្រាប់ការផ្តល់ជំនួយ៕

w460

569fb608c3618811148b45e2

ចែកចាយបន្ត