តុលាការសម្រេច...

តុលាការសម្រេចដោះលែងបុរសដែលវាយបងបង្កើតរហូតដល់​ស្លាប់ ព្រោះខឹងបងកាប់​ម្ដាយ

ចែកចាយបន្ត

កណ្ដាលៈ នៅរសៀលថ្ងៃទី២២ ខែវិច្ឆិកា នេះ ព្រះរាជអាជ្ញា ឯក ស៊ុនរស្មី បានសម្រេចដោះលែងបុរសម្នាក់ ដែលធ្វើសកម្មភាពវាយបងបង្កើតរបស់ខ្លួនរហូតដល់បាត់បង់ជីវិត ដោយសារខឹងឃាត់បងមិនឈ្នះ ពេលយកកាំបិតកាប់ម្តាយបណ្ដាលឲ្យរងរបួសធ្ងន់។

សូមរំលឹកថា មានករណីផ្ទុះហិង្សាក្នុងគ្រួសារមួយបានកើតឡើងវេលាម៉ោង៦និង៣០នាទីព្រឹកថ្ងៃទី២១ ខែវិច្ឆិកា ឆ្នាំ២០១៦ នៅចំណុចផ្ទះជនរងគ្រោះ ស្ថិតក្នុងភូមិ ព្រែករុនក្រោម ឃុំព្រែកគយ ស្រុកស្អាង ខេត្តកណ្តាល។

លោកវរសេនីយ៍ សេង សុជាតិ អធិការស្រុកស្អាងបានប្រាប់ឲ្យដឹងថា ជនរងគ្រោះដែលស្លាប់នោះមានឈ្មោះ ហួត លាងហេង ភេទប្រុស អាយុ៥០ឆ្នាំ ជនជាតិខ្មែរ (មានជំងឺសរសៃប្រសាទ) ត្រូវជាកូនឈ្មោះ ឃី សុខគីម ភេទស្រី អាយុ៦៨ឆ្នាំ ជនជាតិខ្មែរ ជរា (របួសធ្ងន់) ត្រូវបានបញ្ជូនទៅមន្ទីរពេទ្យកាល់ម៉ែត អ្នកទាំង២ រស់នៅភូមិ/ឃុំ កើតហេតុខាងលើ។ ចំណែកជនបង្កត្រូវជាប្អូនមានឈ្មោះ ហួត សុងតិច ភេទប្រុស អាយុ២៦ឆ្នាំ ជនជាតិខ្មែរ មុខរបរ កម្មកររោងចក្រ។

លោកអធិការបានឲ្យដឹងទៀតថា នៅមុនពេលកើតឈ្មោះ ហួត លាងហេង បានឈ្លោះប្រកែកគ្នា ជាមួយ ឈ្មោះ ហួត សុងតិច ភ្លាមនោះ ឈ្មោះ ហួត លាងហេង បានកាន់កាំបិតបុ័ងតោ ដើរសំដៅមករកម្តាយ ឈ្មោះ ឃី សុខគីម ពេលឃើញដូច្នេះ ឈ្មោះ សុងតិច តាមមកមើល ឃើញឈ្មោះ លាងហេង កាប់ក្បាលម្តាយជាច្រើនកាំបិត រំពេចនោះ ឈ្មោះ សុងតិច យកដំបងឈើមូលប្រវែងប្រហែល១ម៉ែត្រ វាយក្បាល ឈ្មោះ លាងហេង ១ដំបង ហើយក៏មានប្រតាយប្រតបគ្នា បណ្តាលឲ្យឈ្មោះ លាងហេង កាប់ត្រូវកដៃ ឈ្មោះ សុងតិច១កាំបិត ពេលនោះឈ្មោះ សុងតិច បានវាយដំបង២ដំបងចំក្បាលឈ្មោះ លាងហេង បន្ថែមទៀត បណ្តាលឲ្យស្លាប់នឹងកន្លែងតែម្តង។

ក្រោយកើតហេតុសមត្ថកិច្ចបានចុះទៅដល់ ហើយធ្វើការឃាត់ខ្លួនជនបង្កបានភ្លាមៗ រួចយកមកអធិការនគរបាលស្រុក ដើម្បីបញ្ជូនទៅតុលាការចាត់ការបន្ត រហូតមកដល់រសៀលថ្ងៃទី២២ វិច្ឆិកានេះ តុលាការបានសម្រេចដោះលែងវិញហើយ៕

photo_2016-11-21_10-22-31

photo_2016-11-21_10-22-22

photo_2016-11-21_10-22-23-2

photo_2016-11-21_10-22-23

photo_2016-11-21_10-22-24-2

photo_2016-11-21_10-22-24

photo_2016-11-21_10-22-25

photo_2016-11-21_10-22-26-2

photo_2016-11-21_10-22-26

photo_2016-11-21_10-22-27

photo_2016-11-21_10-22-28

photo_2016-11-21_10-22-29

photo_2016-11-21_10-22-30

photo_2016-11-21_10-22-31-2

ចែកចាយបន្ត