Post News Media ព័ត៌មានជាតិ ពេជ្រ សោភា លែ...

ពេជ្រ សោភា លែងប្ដីស្ងាត់ៗក្រៅរបងតុលាការ

ចែកចាយបន្ត

ភ្នំពេញ: ថ្វីដ្បិតតែមុននេះបន្តិចតារាចម្រៀងពេជ្រ សោភា និងម្ដាយព្យាយាមបិទបាំងរឿងរ៉ាវឯកជន ដើម្បីបង្វែរការចាប់អារម្មណ៍ពីជីវិតស្នេហាយ៉ាងណាក៏ដោយ ក៏ដំណឹងលែងលះរវាងតារាស្រីរូបនេះ និង លោកឡៅ ឆលី ជាអតីតស្វាមីត្រូវបានទម្លាយមកថា ពិតជាបានបែកគ្នាមែន។ ជាមួយនឹងការទប់កំសួលព័ត៌មានលែងបាន តារាស្រីរូបនេះបានសារភាពថានាងពិតជាបែកប្ដីមែន ដោយលែងលះគ្នានៅក្រៅប្រព័ន្ធតុលាការ និងមានរយ:ពេលមួយឆ្នាំមកហើយ។

ពេជ្រ សោភា បានសារភាពថារវាងនាង និងបុរសស្វាមីបានលែងគ្នាហើយ ប៉ុន្តែមិនបានឆ្លងកាត់ប្រពន្ធតុលាការនោះទេ ដោយសារតែនាងអត់បានចុះអេតាស៊ីវិលក្រោយពេលរៀបការ ទើបធ្វើឲ្យដំណឹងបែកបាក់មិនមានការភ្ញាក់ផ្អើល។ នាងថាហេតុផលដែលនាងសារភាព គឺដើម្បីបញ្ចប់ចម្ងល់ពីសំណាក់មហាជន ដែលឆ្ងល់រឿងនាងរៀបតាំងពីដើមខែកុម្ភ: ឆ្នាំ២០១៥ ប៉ុន្តែសម្ព័ន្ធស្នេហាអត់មានភាពល្អែមល្ហែម។

នាងថាតាំងពីរៀបការហើយលោកឡៅ ឆលី ឡើងចុះស្រុកខ្មែរក្នុងរយ:ពេលតិចដងបំផុត ប៉ុន្តែនោះមិនមែនជាហេតុផលដែលធ្វើឲ្យនាង និងស្វាមីបែកគ្នានោះទេ គឺបណ្ដាលមកពីមានឈ្មោះជាប្ដីប្រពន្ធយូរៗទៅ ក៏ស្រាប់តែអស់និស្ស័យនឹងគ្នាប៉ុណ្ណោះ។ នាងនិយាយថារវាងខ្លួន និងស្វាមី មិនខុសពីមិត្តភ័ក្ត្រនោះទេ ក្រោយពេលលែងលះ អ៊ីចឹងហើយទើបនាងសម្រេចចិត្តបិទបាំងដំណឹងបែកបាក់ ដោយសារតែគោរពទឹកចិត្តរបស់អតីតស្វាមីក្នុងពេលរួមរស់ និងក្រោយពេលបែកគ្នា។ យ៉ាងណាមិញ នាងថាឱកាសត្រលប់វិញ គឺមិនអាចកើតឡើងនោះទេ ដោយសារតែការលែងលះត្រូវបានដឹងឮ និងទទួលស្គាល់ពីចាស់ទុំ ហើយក៏មានការព្រមព្រៀងពីនាង និងលោក ឡៅ ឆលី ច្បាស់លាស់៕

photo_2016-10-10_00-07-21

photo_2016-10-10_00-07-23

photo_2016-10-10_00-07-25

photo_2016-10-10_00-07-28

photo_2016-10-10_00-07-29

photo_2016-10-10_00-07-31

photo_2016-10-10_00-07-33

photo_2016-10-10_00-07-35

photo_2016-10-10_00-07-36

photo_2016-10-10_00-07-38

photo_2016-10-10_00-07-40

photo_2016-10-10_00-07-42

photo_2016-10-10_00-07-44

photo_2016-10-10_00-07-46

photo_2016-10-10_00-07-48

ចែកចាយបន្ត