Post News Media ព័ត៌មានជាតិ ហួរ សុផល ប្រក...

ហួរ សុផល ប្រកាសបើកផលិតកម្ម ក្លាស៊ិក ឡើងវិញ

ចែកចាយបន្ត

ភ្នំពេញ: មុននេះបន្តិចលោកហួរ សុផល ម្ចាស់ផលិតកម្មក្លាស៊ិក បានអះអាងថា លោកនឹងដំណើរការផលិតកម្មមួយនេះឡើងវិញ។ យ៉ាងណាមិញ លោកថាផលិតកម្មរបស់លោកនឹងផ្ដោតតែលើការផលិតរឿងប៉ុណ្ណោះ ដោយមិនមានការផលិតជាឌីសចម្រៀងដូចគ្នានឹងមុនពេលដួលរលំនោះទេ។

លោកហួរ សុផល និយាយថាដោយសារតែមើលឃើញថា វិស័យភាពយន្តនាពេលចុងក្រោយមានការរីកចំរើន ហើយផលិតកម្មក្លាស៊ិក ក៏មានកេរ្តិ៍ឈ្មោះក្នុងការផលិតភាពយន្តខ្នាតធំបានចំនួន៧លើកកាលពីមុនមកដែរ ទើបលោកសម្រេចចិត្តបោះទុនផលិតភាពយន្តជាថ្មី។ លោកថានៅអំឡុងខែវិច្ឆិកាខាងមុខ ផលិតកម្មក្លាស៊ិកនឹងរស់ឡើងវិញ ហើយគម្រោងចាប់ផ្ដើមរបស់ខ្លួន គឺចេញផលិតរឿងដើម្បីប្រកួតប្រជែងទីផ្សារសិល្ប:។ លោកនិយាយថា«ខែ១១ផលិតកម្មក្លាស៊ិកនឹងបើកឡើងវិញ ហើយយើងអត់ផលិតចម្រៀងអីទេ គឺយើងផ្ដោតតែលើការផលិតភាពយន្តតែមួយមុខគត់ ដែលអាចមួយឆ្នាំ២រឿង ឬ៣រឿងអាស្រ័យទៅតាមពេលវេលា!»។

លោកប្រកាសផ្ដល់ឱកាសឲ្យតារាសម្ដែងទាំងជើងចាស់ និងជើងថ្មីដែលចង់បង្ហាញខ្លួននៅក្នុងផលិតកម្មរបស់លោកទាំងអស់ ដោយលោកបញ្ជាក់ថាឲ្យតែមានសមត្ថភាព ហើយមានត្រេមុខស័ក្តសមនឹងតួអង្គនៅក្នុងសាច់រឿងគឺលោកនឹងឲ្យសម្ដែងដោយគ្មានលក្ខណ្ឌ។ លោកថាខ្លួនសរសេរសាច់រឿងបានប្រមាណជា៤០ភាគរយហើយ ចំណែកក្រុមការងារផលិត និងការកុម្ម៉ង់សម្ភារ:សម្រាប់ថតកុន ក៏បានរៀបរយជាបណ្ដើរៗផងដែរ ដោយរង់តែចាំតែរឿងសរសេរចប់ ដើម្បីឆ្លងក្រសួង ហើយនឹងចេញថតប៉ុណ្ណោះ។ លោកនិយាយថា«អ្វីៗយើងរៀបរយអស់ហើយគឺចាំតែសាច់រឿងយើងចប់ យើងនឹងក្រុងពាលីចេញថតដើម្បីដំណើរការផលិតកម្មក្លាស៊ិកជាថ្មីតែម្ដង!»។ យ៉ាងណាមិញ លោកថាមិនទាន់សម្រេចចិត្តទម្លាយសាច់រឿង និងចំណងរឿងដែលគ្រោងចេញថតនៅខែ១១នៅឡើយទេ ដោយគ្រាន់តែអះអាងថាខ្សែរឿងដែលនឹងរំលេចនោះគឺពិតជាធ្វើឲ្យមហាជនភ្ញាក់ផ្អើល។

លោកហួរ សុផល បញ្ជាក់ថានាពេលកន្លងមក ផលិតកម្មក្លាស៊ិកទទួលបានជោគជ័យយ៉ាងខ្លាំងជាមួយការផលិតភាពយន្តចំនួន៦ ដែលមានដូចជារឿង«ព្រះនាងព្រិលស» រឿង«ទាយាទអារីយ៉ា» និងរឿង«ខ្មោចសុគន្ធថេរ៉ាយុ»ជាដើម។ លោកថាការផលិតរឿងជាថ្មី នឹងធ្វើឲ្យមានគុណភាព ដោយមិនធ្វើឆិនឆៃនោះទេ ដើម្បីឲ្យមានលក្ខណ:ប្រកួត៕

photo_2016-10-12_23-02-16

photo_2016-10-12_23-02-18

photo_2016-10-12_23-02-21

photo_2016-10-12_23-02-22

photo_2016-10-12_23-02-24

photo_2016-10-12_23-02-26

photo_2016-10-12_23-02-28

photo_2016-10-12_23-02-30

photo_2016-10-12_23-02-32

photo_2016-10-12_23-02-33

photo_2016-10-12_23-02-35

photo_2016-10-12_23-02-37

photo_2016-10-12_23-02-39

photo_2016-10-12_23-02-41

photo_2016-10-12_23-02-43

photo_2016-10-12_23-02-45

photo_2016-10-12_23-02-47

photo_2016-10-12_23-02-48

photo_2016-10-12_23-02-50

photo_2016-10-12_23-02-52

photo_2016-10-12_23-02-54

photo_2016-10-12_23-02-56

photo_2016-10-12_23-02-59

photo_2016-10-12_23-03-01

photo_2016-10-12_23-03-03