តាកូម៉ា ប្រឡះជាមួយឡិចស៊ីស បណ្តាលឲ្យរងការខូចខាត

ភ្នំពេញៈ រថយន្តតាកូម៉ា បានបើកបុកជាមួយរថយន្តឡិចស៊ីស RX300 បណ្តាលឲ្យរងការខូចខាតទាំងសងខាង។ ហេតុការណ៍នេះបានកើតឡើងកាលពីវេលាម៉ោង១និង៥០នាទី រំលងអាធ្រាតឈានចូលថ្ងៃទី២៣ ខែវិច្ឆិកា ឆ្នាំ២០១៦ នៅចំណុចផ្លូវលេខ៥១កែង ផ្លូវម៉ៅសេទុង ស្ថិតក្នុងសង្កាត់បឹងកេងកងទី៣ ខណ្ឌចំការមន រាចធានីភ្នំពេញ។

ប្រភពព័ត៌មានពីសាក្សីនៅកន្លែងកើតហេតុបានឲ្យដឹងថានៅមុនពេលកើតហេតុគេបានឃើញរថយន្តឡិចស៊ីស RX300 ពណ៌ស ពាក់ស្លាកលេខ ភ្នំពេញ 2AH-5423 ធ្វើដំណើរតាមបណ្តោយផ្លូវលេខ៥១ ក្នុងទិសដៅពីជើងទៅត្បូង ខណៈមកដល់ចំណុចកើតហេតុដែលជាផ្លូវបំបែកជាបួន ភ្លាមនោះក៏មានរថយន្តតាកូម៉ា ពណ៌ខ្មៅ ពាក់ស្លាកលេខ ភ្នំពេញ 2Y-5431 ធ្វើដំណើរតាមបណ្តោយផ្លូវម៉ៅសេទុង ក្នុងទិសដៅពីកើតទៅលិចក្នុងល្បឿងលឿនក៏ជ្រុលបុករថយន្តឡិចស៊ីសពេញទំហឹងចំពីចំហៀង បណ្តាលឲ្យរងការខូចខាតយ៉ាងដំណំតែសំណាងល្អមិនបង្កឲ្យមនុស្សរងរបួសនោះទេ។

ក្រោយពេលកើតហេតុភាគីម្ចាស់រថយន្តទាំងសងខាងបានធ្វើការសម្រួលគ្នាអស់រយៈពេលជាយូតែមិនត្រូវគ្នា ទើបសមត្ថកិច្ចសម្រេចធ្វើការវាស់វែងយករថយន្តទាំង២គ្រឿងយកទៅរក្សាទុកនៅអធិការនគរបាលខណ្ឌចំការមន ដើម្បីរង់ចាំធ្វើការដោះស្រាយគ្នាពេលក្រោយតាមផ្លូវច្បាប់៕

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍

គ្រោះថ្នាក់ចរាចរណ៍