លួចម៉ូតូក្នុង...

លួចម៉ូតូក្នុងខណ្ឌមានជ័យ ជាប់ខ្នោះរបស់សមត្ថកិច្ចខណ្ឌជ្រោយចង្វារ

0
ចែកចាយបន្ត

ភ្នំពេញៈ នគរបាលខណ្ឌជ្រោចង្វារ ឃាត់ខ្លួនជនសង្ស័យម្នាក់ ប្រគល់ឲ្យនគរបាលប៉ុស្តិ៍ស្ទឹងមានជ័យ ដែលជាប់ពាក់ព័ន្ធនឹងករណីលួចម៉ូតូ និងជាមុខសញ្ញាប្លន់ដោយប្រើកាំភ្លើងជ័រ កាលពីវេលាម៉ោងប្រហែល៨ និង២០នាទីយប់ ថ្ងៃទី២២ ខែវិច្ឆិកា ឆ្នាំ២០១៦ ស្ថិតនៅចំណុចទល់មុខវត្តចាស់ ក្នុងសង្កាត់ជ្រោយចង្វារ ខណ្ឌជ្រោយចង្វា រ រាជធានីភ្នំពេញ។

ជនសង្ស័យម្នាក់ឈ្មោះ សៅ គ្រី អាយុ២៦ ឆ្នាំ្ច មុខរបរមិនពិតប្រាកដ ស្នាក់តាមផ្ទះហ្គោមបាញ់ត្រី មានស្រុកកំណើត ស្រុកទ្រាំង ខេត្តតាកែវ ។

ជនសង្ស័យខាងលើ ត្រូវបាននគរបាលខណ្ឌជ្រោយចង្វាឃាត់ខ្លួន រួចប្រគល់ឲ្យសមត្ថកិច្ចប៉ុស្តិ៍នគរបាលស្ទឹងមានជ័យ បន្ទាប់ពីសាកសួរថា ម៉ូតូមួយគ្រឿងនោះពួកគេបានលួចពីម្តុំសង្កាត់ស្ទឹងមានជ័យ ខណ្ឌមានជ័យ។ក្រោយពីសាកសួរសមត្ថកិច្ចសមត្ថកិច្ចខណ្ឌជ្រោចង្វារបានដកហូតម៉ូតូម៉ាក សង់ប៊ិច ពណ៌ខ្មៅ ពាក់ស្លាកលេខភ្នំពេញ1BT-5622 មួយគ្រឿង,កាំភ្លើងជ័រ២ដើម,សោសម្រាប់កាច់កម៉ូតូមួយ,អត្តសញ្ញាណប័ណ្ណ ៥សន្លឹក និងកាត់ATM ៥សន្លឹក ប្រគល់ទៅឲ្យនគរបាលប៉ុស្តិ៍ស្ទឹងមានជ័យបន្ត។

បច្ចប្បន្នជនសង្ស័យត្រូវឃាត់ខ្លួនបណ្តោះអាសន្ននៅប៉ុស្តិ៍នគរបាលស្ទឹងមានជ័យដើម្បីធ្វើការសាកសួរបន្ថែមនិងកសាងសំណុំរឿងបញ្ជូនទៅតុលារការ ចាត់ការតាមផ្លូវច្បាប់៕

ចោរ

ចោរ

ចោរ

ចោរ

ចោរ

ចែកចាយបន្ត