Post News Media ព័ត៌មានជាតិ អភិបាលខេត្តកណ...

អភិបាលខេត្តកណ្តាល ជំរុញឲ្យអាជ្ញាធរ និងសមត្ថកិច្ច ពង្រឹងការងារឲ្យបានច្បាស់

ចែកចាយបន្ត

កណ្តាល: នៅព្រឹកថ្ងៃទី២៣ ខែវិច្ឆិកា ឆ្នាំ២០១៦ នៅសាលប្រជុំរបស់សាលាខេត្តកណ្តាល បានបើកពិធីសិក្ខាសាលា សមាហរណកម្ម ផែនការសង្កាត់ និងកម្មវិធីវិនិយោគក្រុង នៅថ្នាក់ក្រុងតាខ្មៅ ក្រោមអធិបតីភាព លោក ម៉ៅ ភិរុណ អភិបាលនៃគណ:អភិបាលខេត្តកណ្តាល លោក ហេង ធៀម អភិបាលក្រុងតាខ្មៅ និងមានការចូលរួមពី អស់លោក លោកស្រី ប្រធានមន្ទីរ ជុំវិញខេត្ត ព្រមទាំសមាជិក សមាជិកា ជាមន្ត្រីសាលាក្រុង សង្កាត់ភូមិចូលរួមផងដែរ។

ក្នុងកម្មពិធីនោះដែរ លោក ម៉ៅ ភិរុណ អភិបាលនៃគណ:អភិបាលខេត្តកណ្តាល បានឡើងមានប្រសាសថា សូមឲ្យលោកចៅសង្កាត់នៅក្នុងក្រុងតាខ្មៅទាំងអស់ បង្កើតបន្ថែមកំណែរទម្រង់ពង្រឹងការងារឲ្យបានច្បាស់ជាងមុន ដើម្បីជួយបម្រើដល់ប្រជាពលរដ្ឋឲ្យបានលឿន ហើយធ្វើឲ្យប្រជាពលរដ្ឋទុកចិត្តក្នុងការដឹកនាំបន្តរទៀត ។ ជាងនេះដែរលោកបន្តរទៀតថា សូមឲ្យលោក ស៊ឹម ប៊ុតបណ្ឌឹត អធិការក្រុងតាខ្មៅ បង្ក្រាបល្បែងស៊ីសងគ្រប់ប្រភេទ ជាពិសេសល្បែងកន្ទុយលេខ និងគ្រឿងញៀន ដោយសារនៅក្នុងក្រុងតាខ្មៅ ទាំងមូលមានអ្នកកត់កន្ទុយលេខជិត១០០នាក់ ហើយលោកបានសង្កត់ធ្ងន់ថា (កុំឲ្យក្រុងតាខ្មៅក្លាយជាមជ្ឍមណ្ឌលល្បែងស៊ីសង និងមជ្ឍមណ្ឌលចែកចាយ និងប្រើប្រាស់គ្រឿងញៀន) ជាចុងបញ្ចប់លោកបានផ្តាំថា សូមបង្ក្រាបឲ្យអស់ ឲ្យខានតែបាន។

គួរបញ្ជាក់ផងដែរថា នៅឯសាលាក្រុងតាខ្មៅ កាលពីរសៀលថ្ងៃទី៧ ខែវិច្ឆិកា ឆ្នាំ២០១៦នេះ អភិបាលក្រុងតាខ្មៅ លោក ហេង ឆៀម បានធ្វើការកោះហៅអ្នកបើកអាជីវកម្មល្បែងស៊ីសងទាំងអស់នៅក្នុងក្រុងឲ្យមកស្តាប់នូវសេចក្តីណែនាំស្តីពីការអនុវត្តន៍វិធានការបង្រ្កាបល្បែងស៊ីសងខុសច្បាប់ ព្រមទាំងបញ្ជាឲ្យមន្ត្រីមានសមត្ថកិច្ចក្រោមឱវាទ ចាប់ផ្តើមអនុវត្តវិធានការទៅតាមច្បាប់ ចំពោះអ្នកដែលបើកល្បែងស៊ីសងខុសច្បាប់ចាប់ពីថ្ងៃទី ១៦ ខែវិច្ឆិកា ឆ្នាំ២០១៦នេះតទៅ។

កិច្ចប្រជុំនេះ ធ្វើឡើងស្របពេលដែល សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃបានចេញបទបញ្ជាយ៉ាងម៉ឺងម៉ាត់ កាលថ្ងៃទី២៦ ខែតុលា ឆ្នាំ២០១៦ កន្លងទៅឲ្យកម្លាំងប្រដាប់អាវុធទូទាំងប្រទេសអនុវត្តនូវវិធានការបង្ក្រាបល្បែងស៊ីសងខុសច្បាប់ និងឃាត់ខ្លួនម្ចាស់ទីតាំងបើកល្បែងស៊ីសងខុសច្បាប់ រួមទាំងអ្នកឃុបឃិតយកទៅផ្ដន្ទាទោស។

លោក ហេង ឆៀម អភិបាលក្រុងតាខ្មៅបានលើកឡើងថា កិច្ចប្រជុំនេះធ្វើឡើងទៅតាមសេចក្តីណែនាំរបស់អន្តរក្រសួងដែលមានក្រសួងមហាផ្ទៃ និងក្រសួងសេដ្ឋកិច្ច ដែលបញ្ជាឲ្យអាជ្ញាធរនៅទូទាំងប្រទេសអនុវត្តការបង្រ្កាបល្បែងស៊ីសងខុសច្បាប់។សម្រាប់ការអនុវត្តនេះធ្វើឡើងជាពីរដំណាក់កាល ដែលទី១តាមរយ:ការធ្វើការណែនាំ និងទី២គឺចុះអនុវត្តបង្រ្កាបតែម្តង។

លោកអភិបាលក្រុងបន្តថា តាមការដឹកនាំរបស់លោកអភិបាលខេត្ត លោកបណ្ឌិត ម៉ៅ ភារុណ លោកបាននែនាំថាឲ្យរដ្ឋបាលក្រុង-ស្រុកនៃខេត្តកណ្តាល ត្រូវអនុវត្តដំណើរការតាម ពីរដំណាក់កាល ដំណាក់កាលទី១ គឺពីថ្ងៃទី១ ដល់ថ្ងៃទី១៥ ខែវិច្ឆិកា ជាដំណាក់កាលផ្សព្វផ្សាយអប់រំដល់អ្នកដែលប្រកបរបររកស៊ីដូចជាកក់ឆ្នោតមានច្បាប់ និងកត់ឆ្នោតឥតច្បាប់រួមជាមួយហ្គេមអ៊ីនធឺណេតជាដើម។ ហើយចាប់ពីថ្ងៃទី១៦ ជាដំណាក់ការយើងចាប់ផ្តើមអនុវត្តវិធានការរដ្ឋបាល ករណីដែលយើងពិនិត្យឃើញមានល្មើស យើងនឹងចាត់ចែងតាមនីតិវិធី។

សម្រាប់នៅក្រុងតាខ្មៅ ស្ថិតិដែលអាជ្ញាធររកឃើញមានអ្នកបើកល្បែងស៊ីសងទាំងស្របច្បាប់ និងខុសច្បាប់ចំនួន ៩៩នាក់ ដែលអ្នកប្រកបអាជីវកម្មល្បែងទាំងនោះមានដូចជាកត់ឆ្នោត និងបើកល្បែងស៊ីសងជ្រកក្រោមស្លាកអ៊ីនធឺណេតជាដើម។

លោក ហេង ឆៀម ក៏បានស្នើរឲ្យប្រជាពលរដ្ឋដែលប្រកបរបកត់ឆ្នោតផ្សេងៗ ឲ្យទៅកត់ឆ្នោតដែលរដ្ឋាភិបាលបានអនុញ្ញាតច្បាប់ និងសូមកុំឲ្យកត់ឆ្នោត ឬល្បែងអ្វីដែលមិនមានច្បាប់អនុញ្ញាត៕

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ

កិច្ចប្រជុំ