លើកគ្នាមួយហ្វ...

លើកគ្នាមួយហ្វូង ចូលវាយគូទំនាស់ដល់កន្លែងធ្វើការ ប៉ូលិសសម្រុកចូលក្របួចបាន១២នាក់

0
ចែកចាយបន្ត

ភ្នំពេញៈ ក្រុមក្មេងទំនើងជាង២០នាក់ប្រដាប់ដោយដាវសាំម៉ូរៃ និងដំបងលើកគ្នាមកព្រួតវាយយុវជនម្នាក់ដល់កន្លែងធ្វើការឃ្លាំងអង្ករ ត្រូវបានកម្លាំងនគរបាលខណ្ឌពោធិ៍សែនជ័យឃាត់ខ្លួនបានចំនួន១២នាក់ កាលពី​វេលា​​យប់ ថ្ងៃ​ទី​២២ ខែវិច្ឆិកា ឆ្នាំ​២០១៦ នៅ​ចំណុច​ឃ្លាំង​អង្ករ​មួយ​កន្លែង​ស្ថិត​ក្នុងភូមិ​ព្នៅ សង្កាត់​សំរោង​ក្រោម ខណ្ឌ​ពោធិ៍​សែន​ជ័យ។

សមត្ថកិច្ចបានឲ្យដឹងថា ជន​រង​គ្រោះ​ឈ្មោះ រុន រ​ដ្ឋា ភេទ​ប្រុស អាយុ​១៦​ឆ្នាំ ជា​កម្មករ​ធ្វើការ​នៅ​ក្នុង​ឃ្លាំង​អង្ករ មាន​ទីលំនៅ​ឃុំ​បែក​ចាន ស្រុក​អង្គស្នួល ខេត្តកណ្តាល។ ចំណែកក្រុមក្មេងទំនើងមកវាយជនរងគ្រោះទាំង​១២នាក់នោះរួម​មាន ទី១. ​ឈ្មោះ ពៅ
វណ្ណៈ ភេទ​ប្រុស អាយុ​១៩​ឆ្នាំ មុខរបរ​កម្មករ​សំណង់​ ទី២. ​ឈ្មោះ ឱម មិ​ណៃ ភេទ​ប្រុស អាយុ១៨​ឆ្នាំ ទី៣. ​ឈ្មោះ នាវ ម៉ី ភេទ​ប្រុស អាយុ​១៦​ឆ្នាំ មុខរបរ​កម្មករ​សំណង់​ ទី៤. ​ឈ្មោះ​ ខេន ម៉ៅ ភេទ​ប្រុស អាយុ​១៥​ឆ្នាំ ជា​សិស្ស​ថ្នាក់​ទី​៧ វិទ្យាល័យ​ជា​ស៊ី​ម​ឈូក​វ៉ា ទី៥. ​ឈ្មោះ ម៉ៅ រាវី ភេទ​ប្រុស អាយុ​១៧​ឆ្នាំ មុខរបរ​សន្តិសុខ​ឯកជន​ ទី៦. ​ឈ្មោះ ណា​ក់ ឆៃ​យ៉ា ភេទ​ប្រុស អាយុ​១៧​ឆ្នាំ មុខរបរ​ជាង​ម៉ូតូ​ ទី៧. ​ឈ្មោះ ឃុន បូ​រិ​ទ្ធ ភេទ​ប្រុស អាយុ​២៩​ឆ្នាំ មុខរបរ​កម្មករ​ឃ្លាំង​ក្រណាត់ ក្បែរ​សាលា​កូរ៉េ​ ទី៨. ​ឈ្មោះ វ៉​ន សា​វ័ន ភេទ​ប្រុស អាយុ​១៩​ឆ្នាំ មុខរបរ​កម្មករ​សំណង់ ទី៩. ​ឈ្មោះ ន​ង រិ​ទ្ធី​យ៉ា ភេទ​ប្រុស អាយុ​១៨​ឆ្នាំ​ ទី១០. ​ឈ្មោះ នួន ឧត្តុ​ង ភេទ​ប្រុស អាយុ​១៦​ឆ្នាំ​ ទី១១. ​ឈ្មោះ វ៉​ន វាត់ ភេទ​ប្រុស អាយុ​១៨​ឆ្នាំ យុវជន​បង្ក​ទាំង​១១​នាក់​នេះ​មាន​ទីលំនៅ ភូមិ​អណ្តូង សង្កាត់​គោករ​ការ ខណ្ឌ​ព្រែក​ព្នៅ និងទី១២. ​ឈ្មោះ ហយ ចំរើន ភេទ​ប្រុស អាយុ​១៨​ឆ្នាំ មុខរបរ​កម្មករ​គ្រឿង​សង្ហា​រឹម ជិត​ស្តុ​ប​មេភ្លើង ស្នាក់​នៅផ្ទះ​ជួល​ក្បែរ​វត្ត​តាំង​កសាង។ ព្រមទាំង​ដកហូត​បាន​វត្ថុ​តាំង​ដូច​ជា ដាវ​សា​មូ​រ៉ៃ​១​ដើម ដំបង​មាន​ដែកគោល​១​ដើម ខ្សែ​ក្រ​វ៉ា​ត់​១ និង​ម៉ូតូ​៣​គ្រឿង ទី១. ​ម៉ាក​សង់​កូរ៉េ ពណ៌​ក្រហម ពាក់​ស្លាក​លេខ ក ៦៤២៦ កណ​១ ទី២. ​ម៉ាក ស្មាស់ ពណ៌​ខ្មៅ ពាក់​ស្លាក ភ្នំពេញ 1Q-4723 និងទី៣.​ ​ម៉ាក ហ្វូ​សាល់ ពណ៌​ខ្មៅ ពាក់​ស្លាក​លេខ ភ្នំពេញ 1CO-5968។

ជន​រង​គ្រោះ​បាន​ឲ្យ​ដឹង​ថា មុន​ពេល​កើតហេតុ​រូបគេ​កំពុងធ្វើការ​ជាមួយ​ជន​បង្ក ដោយ​ជន​បង្ក​ជា​អ្នក​ច្រកអង្ករ ចំណែក​រូបគេ​ជា​អ្នក​លើក​បាវ​អង្ករ​តម្រៀប​ទុក ខណៈ​ពេល​កំពុងធ្វើការ​ជាមួយ​គ្នា​ជន​រង​គ្រោះ​បាន​ឈរ​ចុច​ទូរសព្ទ ស្រាប់តែ​ជន​បង្ក​ឃើញ​បាន​បោះពាក្យ​សំដី​ថា ស្អី​ហា ម៉ោង​ធ្វើការ​មិន​គិត​ធ្វើ​ទេ គិតតែ​ពី​លេង​ទូរសព្ទ។ ពេល​ដែល​ជន​បង្ក​និយាយ​នោះ រូបគេ​មិន​បាន​តបត​ជាមួយ​ទេ ហើយ​នៅ​តែ​ចុច​ទូរសព្ទ​បន្ត​ទៀត ស្រាប់តែ​មិនដឹង​យ៉ាងម៉េច ជន​បង្ក​បាន​ដើរទៅ​ក្រៅ​មួយសន្ទុះ ហើយ​ក៏​ដើរ​ចូល​មក​វិញ​ធ្វើការ​ធម្មតា​គ្រាន់តែ​និយាយ​ថា ហ្អែ​ង​ចាំ​មើល។ បន្តិច​ក្រោយមក​ក៏​ផ្អើល​ថា មាន​ស្ទាវ​ប្រហែលជា​២០​នាក់​ប្រដាប់​ដោយ​ដាវ ដំបង សម្រុកចូល​ឃ្លាំង​អង្ករ តែ​ត្រូវ​សមត្ថកិច្ច​ឃាត់​បាន​ហើយ។ ក្នុង​ពេល​នោះ​ដែរ ​ជន​បង្ក​បាន​បន្លំ​ខ្លួន​គេច​បាត់​ស្រមោល​បាត់៕

ចែកចាយបន្ត