មួយថ្ងៃនេះ ភ្...

មួយថ្ងៃនេះ ភ្នំពេញ និងខេត្តកណ្ដាល ដាច់ភ្លើងទល់ល្ងាច!

ចែកចាយបន្ត

ភ្នំពេញៈ តាមសេចក្ដីជូនដំណឹងរបស់អគ្គិសនីកម្ពុជា នឹងមានការផ្អាកការផ្គត់ផ្គង់ចរន្តអគ្គិសនីនៅតាមតំបន់មួយចំនួនក្នុងរាជធានីភ្នំពេញ និងខេត្តកណ្ដាល រយៈពេល៤ថ្ងៃ ចាប់ពីថ្ងៃទី២៤ ដល់ថ្ងៃទី២៧ ខែវិច្ឆិកា ឆ្នាំ២០១៦ ដើម្បីអនុវត្តការងារជួសជុល ផ្លាស់ប្ដូរ ដំឡើងបរិក្ខារ និងរុះរើគន្លងខ្សែបណ្ដាញបង្កលក្ខណៈដល់ការដ្ឋានពង្រីកផ្លូវ។

ក្នុងនោះ នៅថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០១៦ ចាប់ពីម៉ោង៩៖០០នាទីព្រឹក ដល់ម៉ោង៤៖០០នាទីរសៀល អគ្គិសនីកម្ពុជា នឹងផ្អាកការផ្គត់ផ្គង់ចរន្តអគ្គិសនីនៅតាមតំបន់មួយចំនួនដូចខាងក្រោម៖

ទី១- តំបន់ភ្លើងលេខ ប.ត០៤០ ស្ថិតនៅតាមបណ្ដោយវិថីឧកញ៉ា អ៊ុក លន់ ក្នុងសង្កាត់ផ្សារកណ្ដាលទី២ ខណ្ឌដូនពេញ (សាខាវត្តភ្នំ)។

ទី២- តំបន់ភ្លើងលេខ ប.ត៦២៧ ស្ថិតនៅក្នុងសង្កាត់មិត្តភាព ខណ្ឌ៧មករា (សាខាវត្តភ្នំ)។

ទី៣- តំបន់ភ្លើងមួយចំនួនដែលស្ថិតនៅភូមិកន្ទោក ភូមិស្ងួនពេជ្រ ភូមិថ្មដា ភូមិត្រពាំងគល់ ភូមិអង្គ ភូមិអង្គកែវ ក្នុងសង្កាត់កន្ទោក ខណ្ឌពោធិ៍សែនជ័យ (សាខាអូរបែកក្អម)។

ទី៤- តំបន់ភ្លើងមួយចំនួនដែលស្ថិតនៅភូមិសាឡុង ភូមិត្រឹប ភូមិអំពិល ក្នុងសង្កាត់កំបូល ខណ្ឌពោធិ៍សែនជ័យ (សាខាអូរបែកក្អម)។

និងទី៥- តំបន់ភ្លើងមួយចំនួនដែលស្ថិតនៅតាមបណ្ដោយផ្លូវជាតិលេខ២១ ចាប់ពីឃុំរកាខ្ពស់ រហូតដល់ឃុំស្វាយរលំ ក្នុងស្រុកស្អាង ខេត្តកណ្ដាល (សាខាចាក់អង្រែក្រោម)៕

15193606_833132713495936_5826573340898785835_n

15109389_833132710162603_7119537178821108554_n

ចែកចាយបន្ត