Post News Media ព័ត៌មានជាតិ អភិបាលខេត្តស្...

អភិបាលខេត្តស្វាយរៀង ជំរុញឲ្យក្រុមការងារយកចិត្តទុកដាក់ ក្នុងការអភិវឌ្ឍន៍និងដោះស្រាយកង្វល់ជូនរាស្ត្រ

ចែកចាយបន្ត

ស្វាយរៀង: លោក ហ៊ូ វតន: អភិបាលរងខេត្តស្វាយរៀង បានមានប្រសាសន៍ ជំរុញដល់ក្រុមការងារចុះជួយមូលដ្ឋាន រួមនឹងអាជ្ញាធរត្រូវសហការគ្នា ឲ្យមានភាពស្អិតរមួតក្នុងការអភិវឌ្ឍន៍មូលដ្ឋានឲ្យរីកចម្រើន និងនាំគ្នាថែទាំសមិទ្ធផលឲ្យបានគង់វង្ស។

លោកបានលើកឡើងបែបនេះ ក្នុងឪកាសដែលលោក អភិបាលខេត្ត បានអញ្ជើញចូលរួមក្នុងពិធីវេទិការផ្សព្វផ្សាយពិគ្រោះយោបល់របស់ក្រុមប្រឹក្សាខេត្តស្វាយរៀងដែលបានប្រព្រឹត្តិទៅនៅក្នុងសាលាស្រុកស្វាយទាប នៅព្រឹកថ្ងៃទី២៣ខែវិចិ្ឆការឆ្នាំ២០១៦ដែលមានមន្ត្រីរាជការមន្ទីរជំនាញនិងប្រជាពលរដ្ឋប្រមាណជិត៣០០នាក់ផងដែរ។

ទន្ទឹមនឹងនោះ លោកអភិបាលខេត្តស្វាយរៀង បានក្រើនរំឭកដល់ក្រុមការងារនិងអាជ្ញាធរត្រូវចុះទៅដល់មូលដ្ឋានដើម្បីឲ្យដឹងពីសុខទុក្ខរបស់ពលរដ្ឋ ហើយដោះស្រាយរាល់កង្វល់ទាំងនោះឲ្យមានតម្លាភាព និងគណនេយ្យភាព គឺធ្វើយ៉ាងណាកុំឲ្យពលរដ្ឋថ្នាំងថ្នាក់។ ក្នុងវេទិការពិគ្រោះយោបល់នេះពលរដ្ឋនិងអាជ្ញាធរបានលើកឡើងអំពីកង្វល់នៅថ្នាក់មូលដ្ឋានរួមមាន បញ្ហាផ្លូវខូច អគ្គិសនីគីឡូវ៉ាត់ដើរលឿន សាលារៀនមិនទាន់មាននាយកត្រឹមត្រូវ បញ្ហាស្ពានខូចពិបាកដល់សិស្សឆ្លងកាត់និងបញ្ហាភូមិឃុំមានសុវិត្ថភាព ខណ:ដែលពលរដ្ឋនិងសមត្ថកិច្ចដូចជាមានគម្លាតគ្នាឆ្ងាយពលរដ្ឋ មានភ័យព្រួយខ្លាចមានអំពើរចោរកម្មពិបាកពឹងសមត្ថកិច្ចបញ្ហាគ្រោះថ្នាក់ចរាចរណ៍ជាដើម។

ចំពោះបញ្ហាលើកឡើងទាំងអស់ខាងលើនេះត្រូវអស់លោកតំណាងមន្ទីរដែលពាក់ពន្ធ័បានឡើងពន្យល់និងដោះស្រាយជូនពលរដ្ឋនិងអាជ្ញាធរផងដែរ៕

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង

អភិបាលខេត្តស្វាយរៀង