ខណៈនេះ នគរបាល...

ខណៈនេះ នគរបាលអន្តោប្រវេសន៍ចុះត្រួតពិនិត្យជនជាតិចិនជិត៣០០នាក់ ក្នុងក្រុមហ៊ុនព្រីម ផ្លាហ្សា

ចែកចាយបន្ត

ភ្នំពេញៈ ប្រភពពីភ្នាក់ងារ Post News បានឲ្យដឹងថា ខណៈនេះកម្លាំងនគរបាលនាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ កំពុងចុះធ្វើការត្រួតពិនិត្យការស្នាក់នៅនិងបំពេញការងារ របស់ពលករជនជាតិចិន ក្នុងក្រុមហ៊ុន ព្រីម ផ្លាហ្សា សាងសង់ខុនដូរ មួយកន្លែងដែលមានទីតាំងនៅក្នុងដីឡូតិ៍គ្មានលេខ តាមបណ្តោយផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

សមត្ថកិច្ចបានឲ្យដឹងថា ការចុះត្រួតពិនិត្យការស្នាក់នៅនិងបំពេញការងាររបស់ពលករជនជាតិចិនខាងលើនេះ គឺធ្វើឡើង ដោយមានការសម្របសម្រួលដោយលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ដឹកនាំកម្លាំងដោយលោក ឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋាន ស៊ើបអង្កេត និងអនុវត្តនីតិវិធីនៃអគ្គនាយកដ្ឋានអន្តោប្រវេសន៍ក្រសួងមហាផ្ទៃ សហការជាមួយនិងនគរបាលនៃស្នងការដ្ឋាននគរបាលរាជធានីភ្នំពេញ រួមនិងនគរបាលមូលដ្ឋានផងដែរ ។

ជាក់ស្តែងក្នុងការត្រួតពិនិត្យខាងលើ សមត្ថកិច្ចបានត្រួតពិនិត្យរកឃើញថា ទីតាំងខាងលើនេះមានពលករជនជាតិចិនកំពុងតែស្នាក់នៅនិងបំពេញការងារចំនួន ២៧៨នាក់ ក្នុងនោះមានស្រីចំនួន៤នាក់ កំពុងត្រូវបានសមត្ថកិច្ចធ្វើការត្រួតពិនិត្យទៅលើសៀវភៅការងារ និងលិខិតឆ្លងដែន ។ ហើយចំពោះលទ្ធផលនៃការត្រួតពិនិត្យរកឃើញពលកររស់នៅខុសច្បាប់ប៉ុន្មាននាក់នោះ នៅមិនទាន់ដឹងនៅឡើយនោះទេព្រោះសមត្ថកិច្ចកំពុងតែធ្វើការត្រួតពិនិត្យនៅឡើយ។

ព័ត៌មានលម្អិត Post News នឹងផ្សាយជូនបន្តទៀត៕

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

អន្តោប្រវេសន៍

ចែកចាយបន្ត