កាន់តែក្ដៅ រឿ...

កាន់តែក្ដៅ រឿងអាស្រូវប្រធានាធិបតីកូរ៉េខាងត្បូង ខណៈនេះប៉ូលិសកំពុងវាយឆ្មក់ចូលក្រុមហ៊ុនយក្សពីរ ដើម្បី…

ចែកចាយបន្ត

កូរ៉េៈ ក្រុមអ្នកស៊ើបអង្កេតរបស់កូរ៉េខាងត្បូង នៅថ្ងៃព្រហស្បតិ៍នេះ បានឆ្មក់ចូលការិយាល័យក្រុមហ៊ុន SK Group និង Lotte ដែលជាផ្នែកមួយ នៃការស៊ើបអង្កេតរឿងអាស្រូវប្រធានាធិបតីកូរ៉េខាងត្បូងលោកស្រី Park Geun-Hye កាន់តែកើនឡើងខ្លាំង។ នេះបើយោងតាមសារព័ត៌មាន Yonhap ចេញផ្សាយថ្ងៃទី២៤ ខែវិច្ឆិកា ឆ្នាំ២០១៦។

ការស៊ើបអង្កេតលើក្រុមទាំងពីរនេះ គឺដោយសារក្រុមហ៊ុន បានបរិច្ចាកលុយមួយចំនួនធំ ដល់អង្គការមិនរកប្រាក់ចំនេញពីរ ដែលបានគ្រប់គ្រងដោយមិត្តភក្តិជិតស្និទ្ធរបស់លោកប្រធានាធិបតី Park Geun hye ដែលគេជឿថា ការធ្វើបែបនេះរបស់ក្រុមហ៊ុន គឺដើម្បីសម្លឹងមើលផលប្រយោជន៍អាជីវកម្មតបមកវិញ។

អ្នកនាំពាក្យក្រុមLotte គឺមិនអាចទាក់ទងបានទេ ខណៈដែលអ្នកនាំពាក្យក្រុមហ៊ុន SK Group បាននិយាយថា លោកនឹងមើលទៅក្នុងបញ្ហានេះ ឲ្យបានគ្រប់ជ្រុងជ្រយជាមុនសិន។

សូមជំរាបថា Lotte ជាក្រុមមានការធ្វើពាណិជ្ជកម្មចំនួន៦០ ដែលមាននយោជិក ៦០.០០០ នាក់ បម្រើការក្នុងឧស្សាហកម្មចម្រុះដូចជា ការផលិតស្ករគ្រាប់ ភេសជ្ជៈ សណ្ឋាគារ អាហារសម្រន់ សេវាកម្មហិរញ្ញវត្ថុ សារធាតុគីមី អេឡិចត្រូនិច បច្ចេកវិទ្យា សំណង់ ការបោះពុម្ពផ្សាយ និងការកម្សាន្ត។ ចំពោះក្រុមហ៊ុន SK Group វិញ មានបុគ្គលិកជាង៧០.០០០នាក់ ដែលធ្វើការនៅការិយាល័ទាំង ១១៣ ទូទាំងពិភពលោក។
ក្រុមហ៊ុនអាជីវកម្មធំបំផុតមួយនេះ មានការធ្វើពាណិជ្ជកម្ម នៅក្នុងឧស្សាហកម្មគីមី ប្រេង និងថាមពល ហើយក៏មានអ្នកផ្តល់ សេវាទូរស័ព្ទចល័តឥតខ្សែធំជាងគេរបស់កូរ៉េខាងត្បូង (SK Telecom) សំណង់ ការដឹកជញ្ជូន ការធ្វើទីផ្សារ អ៊ីធឺណិតដែលមានល្បឿនលឿន និងសេវាកម្មអ៊ីនធឺណិតឥតខ្សែ Wibro ផងដែរ៕

photo_2016-11-24_10-24-26

photo_2016-11-24_10-24-42

photo_2016-11-24_10-24-47

photo_2016-11-24_10-24-54

ចែកចាយបន្ត