ប្រធានាធិបតីហ...

ប្រធានាធិបតីហ្វីលីពីន នឹកបើកឲ្យមានលំហូរពាណិជ្ជកម្មបរទេស សម្រាប់វិស័យថាមពល

2
ចែកចាយបន្ត

ហ្វីលីពីនៈ ប្រធានាធិបតីហ្វីលីពីនលោក Rodrigo Duterte បានប្រកាសថា លោកនឹងបើកលំហូរពាណិជ្ជកម្មបរទេសទៅលើវិស័យ ព័ត៌មានវិទ្យា បច្ចេកវិទ្យាគមនាគមន៍ (ICT) និងថាមពល ដើម្បីជំរុញកំណើនសេដ្ឋកិច្ចក្នុងប្រទេស។ នេះបើយោងតាមរយៈ សារព័ត៌មានហ្វីលីពីន ចេញផ្សាយនៅថ្ងៃទី២៤ ខែវិច្ឆិកា ឆ្នាំ២០១៦។

បន្ទាប់ពីការចូលរួមជាលើកដំបូងរបស់លោក នៅក្នុងកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) ដែលបានប្រារព្ធឡើងនៅទីក្រុងលីម៉ា ប្រទេសប៉េរូ លោក Duterte បានឲ្យដឹងថា លោកនឹងបើកឲ្យមានលំហូរពាណិជ្ជកម្មបរទេស លើវិស័យថាមពល ដើម្បីអាចឲ្យប្រទេសខ្លួន ឆ្ពោះរកភាពរីកចម្រើនកាន់តែលឿន សម្រាប់ជួយកាត់បន្ថយអត្រាភាពក្រីក្រ។

លោកបានលើកទ្បើងថា « វាជាពេលវេលា ដែលយើងធ្វើឲ្យប្រាក់ហូរចូលមកក្នុងប្រទេសយើងទាំងមូលហើយ និងក៏ដើម្បីការីកចម្រើនកាន់តែលឿនលើការប្រកួតប្រជែង ក្នុងការបើកចំហឲ្យមានទាំងអស់ផងដែរ»៕

pillipine

ចែកចាយបន្ត