ជនសង្ស័យ​៤នាក...

ជនសង្ស័យ​៤នាក់​ពាក់ព័ន្ធ​ករណី​គ្រឿងញៀន​​ ត្រូវ​កម្លាំង​នគរបាល​ស្រុក​តំបែរ​ឃាត់ខ្លួន​

6
ចែកចាយបន្ត

ត្បូងឃ្មុំៈ ជនសង្ស័យ​ចំនួន​៤នាក់​ដែល​ជាប់​ពាក់ព័ន្ធ​ករណី​ជួញដូរ​ និង​ប្រើប្រាស់​ដោយ​ខុសច្បាប់​នូវ​សារធាតុ​ញៀន​​ ត្រូវបាន​កម្លាំង​ជំនាញ​នៃ​ស្នងការដ្ឋាន​នគរបាល​ស្រុក​តំបែរ ​ឃាត់ខ្លួន​ កាលពីវេលាម៉ោង៥និង​១៥នាទីល្ងាច​ ថ្ងៃទី២៣ ខែវិច្ឆកា ឆ្នាំ២០១៦ នៅចំណុចភូមិបែង ឃុំសេដា ស្រុកតំបែរ ខេត្តត្បូងឃ្មុំ។

សមត្ថកិច្ច​បានឲ្យដឹងថា ជនសង្ស័យចំនួន៤នាក់​ដែល​ត្រូវ​ឃាត់​ខ្លួន​រួមមាន​ ទី១. ឈ្មោះបភឿន ផាន់ ភេទប្រុស អាយុ១៧ឆ្នាំ នៅភូមិបែង ឃុំសេដា ស្រុកតំបែរ ទី២. ឈ្មោះ សុះ ម៉ូសា ភេទប្រុស អាយុ២១ឆ្នាំ ទី៣. ឈ្មោះ តាំ យូសុះ ភេទប្រុស អាយុ២២ឆ្នាំ នៅភូមិព្រែកជរ ឃុំសេដា ស្រុកតំបែរ និងទី៤. ឈ្មោះ មាត់ អីសា ភេទប្រុស អាយុ២១ឆ្នាំ នៅភូមិរពាក់២ ឃុំសេដា ស្រុកតំបែរ។ ក្រោយ​ពី​ឃាត់​ខ្លួន​ជនសង្ស័យ ​សមត្ថកិច្ច​បាន​ធ្វើ​ការ​ដកហូតបាននូវ​វត្ថុតាង​ ​ប្រភេទ​ម្សៅ​ក្រាម​ពណ៌​ស​ សង្ស័យ​ជា​ថ្នាំ​ញៀន​ចំនួន៣កញ្ចប់។

បច្ចុប្បន្ន​ ជនសង្ស័យ​ទាំង​៤នាក់​រួមជាមួយ​វត្ថុតាង​ ត្រូវបាន​កម្លាំង​ជំនាញ​នៃ​ស្នងការដ្ឋាន​នគរបាល​ស្រុក​តំបែរ​កសាង​សំណុំ​រឿង​តាម​នីតិវិធី​ច្បាប់​ ដើម្បី​បញ្ជូន​ខ្លួន​ទៅ​សាលា​ដំបូង​ខេត្ត​ត្បូងឃ្មុំ​៕

គ្រឿងញៀននៅត្បូងឃ្មុំ

គ្រឿងញៀននៅត្បូងឃ្មុំ

គ្រឿងញៀននៅត្បូងឃ្មុំ

គ្រឿងញៀននៅត្បូងឃ្មុំ

ចែកចាយបន្ត