ខណៈនេះ អគ្គិភ...

ខណៈនេះ អគ្គិភ័យកំពុងឆាបឆេះផ្ទះ នៅក្បែរផ្សារព្រែកព្នៅ

ចែកចាយបន្ត

ភ្នំពេញៈ តាមសេចក្តីរាយការណ៍បានឲ្យដឹងថា អគ្គិភ័យកំពុងឆាបឆេះផ្ទះ នៅក្បែរផ្សារព្រែកព្នៅ  ខណៈនេះ រថយន្តពន្លត់អគ្គិភ័យជាច្រើនគ្រឿង កំពុងចេញជួយអន្តរាគមន៍ជួយពន្លត់ ប៉ុន្តែទោះជាយ៉ាងណា ការអន្តរាគមន៍ហាក់លំបាកដោយសារស្ថានភាពផ្លូវចូលតូចចង្អៀត។

ហេតុការណ៍គ្រោះអគ្គិភ័យនេះ កើតឡើងនៅវេលាម៉ោង២៖៣០នាទីរសៀល ថ្ងៃទី២៤ ខែវិច្ឆិកា ឆ្នាំ២០១៦នេះ ស្ថិតនៅត្រង់ចំណុចភូមិផ្សារលិច ក្នុងសង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ដោយសមត្ថកិច្ចបានប្រើប្រាស់រថយន្តពន្លត់អគ្គិភ័យចំនួន២គ្រឿង របស់ក្រុមហ៊ុនប្រេងឥន្ធនៈតេលា។

បើតាមភ្នាក់ងារ ករណីអគ្គិភ័យខាងលើ បានឆាបឆេះផ្ទះមួយខ្នងអស់ទាំងស្រុង ដែលធ្វើអំពីឈើប្រក់ស័ង្កសីមានទំហំ ៤ម៉ែត្រ គុណនឹង៧ម៉ែត្រ។ ដោយឡែកទ្រព្យសម្បត្តិ ក៏ត្រូវបានភ្លើងឆេះទាំងអស់ផងដែរ។

តាមការសន្និដ្ឋានជំហានដំបូង គ្រោះអគ្គិភ័យនេះបណ្ដាលមកពីឆ្លងចរន្តអគ្គិសនី ទើបបង្កឲ្យមានការឆាបឆេះ ខណៈម្ចាស់ផ្ទះមិននៅ។

ព័ត៌មានលម្អិត Post New នឹងរាយការណ៍ជូនបន្ត៕

photo_2016-11-24_15-12-56

photo_2016-11-24_15-12-57

photo_2016-11-24_15-12-58

photo_2016-11-24_15-12-59

photo_2016-11-24_15-13-00

photo_2016-11-24_15-13-01

photo_2016-11-24_15-13-02

photo_2016-11-24_15-13-03

ចែកចាយបន្ត