Update: ករណីគ...

Update: ករណីគ្រោះថ្នាក់ចរាចរណ៍នៅបាត់ដំបង ភាគីរថយន្តឡិចស៊ីសស្លាប់ទាំងអស់

ចែកចាយបន្ត

បាត់ដំបងៈ តាមការបញ្ជាក់ជាផ្លូវការពីសមត្ថកិច្ចស្រុកមោង​ឫស្សី បានឲ្យដឹងថា ករណីគ្រោះថ្នាក់ចរាចរណ៍រវាងរវាងរថយន្តប្រភេទកង់១០ដឹកទំនិញ បុកជាមួយនឹងរថយន្តឡិចស៊ីសRX300 ពណ៌ខ្មៅ ពាក់ស្លាកលេខ ភ្នំពេញ2Q-0998 គឺភាគីរថយន្តឡិចស៊ីសមានគ្នា៥នាក់ ប្រុសម្នាក់ជាអ្នកបើកបរ ស្រី៣នាក់ និងក្មេងស្រីម្នាក់ សរុបចំនួន៥នាក់បានស្លាប់ទាំងអស់។ សេចក្តីរាយការណ៍បានឲ្យដឹងថា ហេតុការណ៍គ្រោះថ្នាក់ចរាចរណ៍មួយនេះ កើតឡើងកាលពីវេលាម៉ោង៤និង១៥នាទី ថ្ងៃទី២៤ ខែវិច្ឆិកា ឆ្នាំ២០១៦ នៅលើកំណាត់ផ្លូវជាតិលេខ៥ ក្នុងភូមិ ឃុំព្រៃស្វាយ ស្រុកមោងឫស្សី ខេត្តបាត់ដំបង។

សេចក្តីរាយការណ៍បានឲ្យដឹងថា គ្រោះថ្នាក់ចរាចរណ៍បណ្តាលឲ្យស្លាប់ដល់ទៅ៥នាក់នោះ កើតឡើងរវាងរថយន្តប្រភេទកង់១០ដឹកទំនិញ ពាក់ស្លាកលេខ ភ្នំពេញ3C-7509 បុកជាមួយនឹងរថយន្តឡិចស៊ីសRX300 ពណ៌ខ្មៅ ពាក់ស្លាកលេខ ភ្នំពេញ2Q-0998 ហើយរថយន្តទាំង២បានបុកគ្នាចំពីមុខពេញទំហឹង។

ក្នុងហេតុការណ៍នេះ អ្នកបើកបររថយន្តឡិចស៊ីស ត្រូវបានគេស្គាល់ឈ្មោះ ប៉ូ ម៉េងឈាន់ អាយុជាង៣០ឆ្នាំ រស់នៅខណ្ឌពោធិ៍សែនជ័យ។ ចំពោះរថយន្តកង់១០ដឹងទំនិញ ពុំមានរងរបួសទេ បានរត់ចុះរត់គេចខ្លួនបាត់។

ពេលនេះ សមត្ថកិច្ចកំពុងជួយអន្តរាគមន៍ទាក់ទងសាច់ញាតិជនរងគ្រោះមកទទួលយកសពទៅធ្វើបុណ្យតាមប្រពៃណី។ ចំណែរថយន្តទាំង២គ្រឿងត្រូវសមត្ថកិច្ចយកទៅរក្សាទុកនៅអធិការដ្ឋានស្រុកមោងឫស្សីដើម្បីចាត់តាមនីតិវិធីច្បាប់៕

photo_2016-11-24_17-23-33

រថយន្តកង់១០ដឹកទំនិញ ព្រលះរថយន្តឡិចស៊ីស

រថយន្តកង់១០ដឹកទំនិញ ព្រលះរថយន្តឡិចស៊ីស

រថយន្តកង់១០ដឹកទំនិញ ព្រលះរថយន្តឡិចស៊ីស

រថយន្តកង់១០ដឹកទំនិញ ព្រលះរថយន្តឡិចស៊ីស

ចែកចាយបន្ត