នៅអាមេរិកមានករណីបាញ់ប្រហារមួយ សម្លាប់មនុស្ស ២ នាក់ និងរងរបួស ៤នាក់

អាមេរិកៈ ការបាញ់ប្រហារមួយ បានកើតឡើងនៅឧទ្យាន Shawnee នៃទីក្រុង Louisville ក្នុងរដ្ឋ Kentucky កាលពីថ្ងៃព្រហស្បតិ៍ ក្នុងថ្ងៃបុណ្យ Thanksgiving Day ដែលបានសម្លាប់មនុស្ស ២នាក់ និង ៤នាក់ទៀតរងរបួស។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៦។

ខណៈនេះ គឺមិនមានសេចក្ដីរាយការណ៍លើជនរងគ្រោះបន្ថែមទេ ហើយក៏ពុំទាន់រកឃើញខ្មាន់កាំភ្លើងនោះដែរ។

ការបាញ់ប្រហារនេះ បានកើតឡើងនៅរសៀលថ្ងៃព្រហស្បតិ៍ នៅពេលមនុស្សរាប់រយនាក់ បានប្រមូលផ្តុំគ្នានៅឧទ្យាន សម្រាប់ព្រឹត្តិការណ៍ប្រកួតកីឡាបាល់ទាត់ប្រចាំឆ្នាំ “Juice Bowl” ។

ប្រព័ន្ធផ្សព្វផ្សាយក្នុងស្រុក បានរាយការណ៍ថា លោក Greg Fischer អភិបាលក្រុង Louisville ក៏ស្ថិតនៅក្នុងព្រឹត្តិការណ៍នោះផងដែរ ដោយនៅឆ្ងាយពីនោះប្រមាណជា ១៨២ ម៉ែត្រប៉ុណ្ណោះ ហើយបើតាមការដកស្រង់សម្តីអ្នកនាំពាក្យលោក Fischer បាននិយាយថា វាជាស្ថានភាពមួយ ត្រូវប្រកាសអាសន្ន៕

reports-of-multiple-people-shot-in-a-louisville-park