ករណីគ្រោះរញ្ជ...

ករណីគ្រោះរញ្ជួយដីកម្រិត ​៥,៤ រ៉ិចទ័រ វាយប្រហារនៅកោះតៃវ៉ាន់

15
ចែកចាយបន្ត

តៃវ៉ាន់ៈ អ្នកអង្កេតភូមិសាស្ត្រអាមេរិក បាននិយាយថា ករណីគ្រោះរញ្ជួយដីមួយកម្រិត ៥,៤ រ៉ិចទ័រ បានវាយប្រហារកោះតៃវ៉ាន់ នៅព្រឹកថ្ងៃសុក្រនេះ ប៉ុន្តែមិនមានរបាយការណ៍ នៃការខូចខាត ឬការស្លាប់ និងរបួសនៅឡើយទេ។ នេះបើយោងតាមរយៈ សារព័ត៌មាន Channel News Asia ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៦។

ការរញ្ជួយដីនេះ បានកើតទ្បើងនៅម៉ោង ៥ និង៥៥ នាទីព្រឹក ចម្ងាយ ៨១ គីឡូម៉ែត្រពីភាគខាងកើត ក្រុង Hualian។
កាលពីខែកុម្ភៈកោះនេះ ធ្លាប់ទទួលរងគ្រោះរញ្ជួយដីកម្រិត ៦,៤ រ៉ិចទ័រ ដែលបង្កឲ្យមនុស្ស ១១៧ បានស្លាប់ នៅពេលដែលផ្ទះល្វែងដ៏ធំមួយ ត្រូវដួលរលំនៅភាគខាងត្បូងទីក្រុងតៃវ៉ាន់។

រដ្ឋាភិបាល និងប៉ូលិសបានប្រាប់ឲ្យប្រជាពលរដ្ឋកុំធ្វើដំណើរ តាមសមុទ្រ និងឲ្យមានការប្រុងប្រយ័ត្នខ្ពស់។

សូមជំរាបថា កោះតៃវ៉ាន់ ធ្លាប់ជួបគ្រោះហន្តរាយរញ្ជួយដីដ៏អាក្រក់បំផុត បានកើតឡើងកាលពីខែកញ្ញា ឆ្នាំ ១៩៩៩ ដែលវាមានកម្រិតរហូតដល់ ៧,៦ រ៉ិចទ័រ ដោយបានសម្លាប់មនុស្សប្រហែល ២.៤០០នាក់៕

Taiwan

ចែកចាយបន្ត