ស្រ្តីពពោះ៨ខែ...

ស្រ្តីពពោះ៨ខែម្នាក់ត្រូវខ្មាន់កាំភ្លើងបាញ់សម្លាប់នៅកណ្តាលទីក្រុង

ចែកចាយបន្ត

ថៃៈ បុរសពីរនាក់ដែលគេមិនស្គាល់អត្តសញ្ញាណ បានបើកការបាញ់ប្រហារយ៉ាងសាហាវលើស្ត្រីពីរនាក់ ដោយស្រ្តីម្នាក់ ត្រូវបានសម្លាប់ទាំងខ្លួន កំពុងពពោះ ៨ខែ និងម្នាក់ទៀតរងរបួស នៅកណ្ដាលទីក្រុង Pattani កាលពីយប់ថ្ងៃសៅរ៍។ នេះបើយោងតាមរយៈ សារព័ត៌មាន Bangkok Post ចេញផ្សាយនៅថ្ងៃទី២៧ ខែវិច្ឆិកា ឆ្នាំ២០១៦។

ប៉ូលិសបាននិយាយថា ជងរងគ្រោះដែលពពោះ ៨ខែនោះ ឈ្មោះ Rattakal Jawang អាយុ ២៦ ឆ្នាំ និងម្នាក់ទៀត ឈ្មោះ Saijai Thongdee អាយុ ៣០ ឆ្នាំ ត្រូវបានខ្មាន់កាំភ្លើងបាញ់ប្រហារ អំទ្បុងពេលពួកគេជិះម៉ូតូត្រលប់មកពីទិញម្ហូប។

ស្ត្រីឈ្មោះ Rattakal ត្រូវបានខ្មាន់កាំភ្លើងបាញ់ចំក្បាល និងខ្លួន រីឯស្ត្រីឈ្មោះ Saijai ត្រូវគ្រាប់ចំខ្លួន។

ហេតុការណ៍នេះ បានកើតទ្បើងប្រហែលម៉ោង ៧ និង២០ នាទីយប់ នៅក្បែរស្ថា​នី​យ៍​ប្រេង​ឥ​ន្ទៈ PTT ផ្លូវជាតិលេខ ៤២ (ចេញពីខេត្ត Pattani ទៅខេត្ត Narathiwat) ៕

bkk_police_at_work_epa

ចែកចាយបន្ត