សមត្ថកិច្ចចាប...

សមត្ថកិច្ចចាប់ខ្លួនជនសង្ស័យ២នាក់ ពាក់ពន្ធ័ករណីគ្រឿងញៀន

6
ចែកចាយបន្ត

កណ្តាលៈ ជនសង្ស័យចំនួន២នាក់ ត្រូវបានកម្លាំងនគរបាលស្រុកខ្សាច់កណ្តាល ធ្វើការចាប់ឃាត់ខ្លួន ពីបទជួញដូរនូវសារធាតុញៀនខុសច្បាប់។ ការចាប់ខ្លួននេះបានធ្វើឡើងកាលពីវេលាម៉ោង១រសៀល ថ្ងៃទី២៧ ខែវិច្ឆិកា ឆ្នាំ២០១៦ ស្ថិតនៅចំណុចភូមិព្រែកក្របៅទី៣ ឃុំព្រែកអំពិល ស្រុកខ្សាច់កណ្តាល ខេត្តកណ្តាល។

ជនសង្ស័យទាំង២នាក់ទី១មានឈ្មោះ ធុយ ធឿន ភេទប្រុស អាយុ៣៤ឆ្នាំ មុខរបរ មិនពិតប្រាកដ ស្នាក់នៅភូមិ ឃុំកើតហេតុខាងលើ និងទី២មានឈ្មោះ ប៊ិន ហ្វុង ហៅស្រីនាង ភេទស្រី អាយុ២១ឆ្នាំ មុខរបរម៉ាស្សា មានទីលំនៅសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។

ក្នុងនោះដែរ វត្ថុតាងដែលសមត្ថកិច្ចដកហូតបានរួមមាន ម៉្សៅក្រាម ពណ៌សថ្លាសង្ស័យជាសារធាតុញៀន ម៉ាទឹកកកចំនួន២កញ្ចប់តូច,ទូរស័ព្ទ១គ្រឿង,ថង់វេចខ្ចប់មួយចំនួន,សម្ភារៈ សម្រាប់ជក់ថ្នាំញៀនមួយចំនួន,កូនកន្រ្តៃចំនួន៥,ម៉ូតូចំនួន២គ្រឿង រួមមាន ម៉ាកសេ១២៥ ពណ៌ខ្មៅ ពាក់ស្លាកលេខ ភ្នំពេញ 1CH-8167 និងម៉ាកសេ១២៥ ពណ៌ខ្មៅ ពាក់ស្លាកលេខ កណ្តាល 1G-4250 ,ដាវចំនួន១,កូនកាំបិត ១,ដែកកិប១, អត្តសញ្ញាណប័ណ្ណសញ្ជាតិខ្មែរ២សន្លឹក,កូនសោមួយចំនួន,ញញួរ ១
និងលិខិតលក់ម៉ូតូ១សន្លឹក ។

មុននឹងឈានដល់ការចាប់ឃាត់ខ្លួនបានជនសង្ស័យខាងលើ កម្លាំងផ្នែកប្រឆាំងគ្រឿងញៀន សហការជាមួយកម្លាំងនគរបាលប៉ុស្តិ៍ព្រែកអំពិល បានប្រតិបត្តិការចុះបង្រ្កាបករណីជួញដូរគ្រឿងញៀន នៅចំណុចផ្ទះជនឃាត់ខ្លួនបានជនសង្ស័យចំនួន២នាក់ ដកហូតបានថ្នាំញៀន២កញ្ចប់តូច រួចបន្តធ្វើការឆែកឆេរផ្ទះដកហូតបានវត្ថុតាងដូចបានរៀបរាប់ខាងលើ។

បច្ចុប្បន្នជនសង្ស័យទាំង២នាក់ រួមនិងវត្ថុតាងត្រូវបានសមត្ថកិច្ចនាំខ្លួនមកកាន់អធិការដ្នាននគរបាលស្រុកខ្សាច់កណ្តាល ដើម្បីបន្តចាត់ការតាមនីតិវិធីច្បាប់៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

គ្រឿងញៀន

ចែកចាយបន្ត