រដូវរំហើយ ចាប...

រដូវរំហើយ ចាប់ផ្ដើមក្នុងសប្ដាហ៍ទី២ នៃខែធ្នូ

ចែកចាយបន្ត

ភ្នំពេញៈ បើតាមក្រសួងធនធានទឹក និងឧតុនិយម រដូវរំហើយនឹងចាប់ផ្ដើមនៅក្នុងសប្ដាហ៍ទី២ នៃខែធ្នូ ឆ្នាំ២០១៦ខាងមុខនេះហើយ សម្រាប់ប្រទេសកម្ពុជា បន្ទាប់ពីក្រសួងបានធ្វើការតាមដានលើស្ថានភាពអាកាសធាតុយ៉ាងយកចិត្តទុកដាក់។

សេចក្ដីជូនដំណឹងពីអាកាសធាតុ នាព្រឹកថ្ងៃទី២៨ ខែវិច្ឆិកានេះ ឲ្យដឹងថា នៅថ្ងៃទី២៨ ខែវិច្ឆិកានេះ ព្យុះទី២៥ ដែលក្រសួងបានជូនដំណឹងនាពេលកន្លងមក បានរលាយ និងអស់ឥទ្ធិពល លើសមុទ្រចិនខាងត្បូង។ ជាមួយគ្នា ខ្យល់មូសុងឦសាន ក៏បានចាប់ផ្ដើមបង្កើនឥទ្ធិពលគ្រប់ដណ្ដប់លើព្រះរាជាណាចក្រកម្ពុជាផងដែរ។

យោងតាមស្ថានភាពនេះ ការព្យាករអាកាសធាតុ បានបង្ហាញថា បណ្ដារាជធានីខេត្តមួយចំនួន រួមមាន រាជធានីភ្នំពេញ ខេត្តកំពង់ឆ្នាំង កណ្ដាល កំពង់ស្ពឺ តាកែវ ស្វាយរៀង ព្រៃវែង កំពង់ចាម ត្បូងឃ្មុំ និងបណ្ដាខេត្តនៅតាមតំបន់មាត់សមុទ្រ អាចនឹងមានភ្លៀងធ្លាក់ពីតិចទៅធម្យម ចាប់ពីថ្ងៃទី៣-៥ ខែធ្នូ ឆ្នាំ២០១៦។ ដោយឡែក រដូវរំហើយ នឹងចាប់ផ្ដើមនៅក្នុងសប្ដាហ៍ទី២ នៃខែធ្នូខាងមុខនេះ៕

15171178_558944107630833_1223576557222345822_n

ចែកចាយបន្ត