ខឹងម្ដាយស្ដីប...

ខឹងម្ដាយស្ដីបន្ទោស រត់ទៅចងកសម្លាប់ខ្លួន

ចែកចាយបន្ត

ពោធិ៍សាត់ៈ បុរសម្នាក់ ត្រូវបានគេប្រទះឃើញចងកសម្លាប់ខ្លួន កាលពីវេលាម៉ោង៧និង៣០នាទីយប់ថ្ងៃទី២៧ ខែវិច្ឆិកា ឆ្នាំ២០១៦ នៅភូមិសំរោង ឃុំកញ្ជរ ស្រុកកញ្ជៀង ខេត្តពោធិ៍សាត់។

បុរស ដែលចងកសម្លាប់ខ្លួនឯងនោះមានឈ្មោះ កែប ម៉ាន់ ភេទប្រុស អាយុ២៥ឆ្នាំ រស់នៅភូមិសំរោង ឃុំកញ្ជរ ស្រុកកញ្ជៀង ខេត្តពោធិ៍សាត់។

ប្រភពពីសាច់ញាតិបានឲ្យដឹងថា មូលហេតុដែលធ្វើឲ្យបុរសខាងលើ ចងកសម្លាប់ខ្លួននោះ ព្រោះតែខឹងនឹងម្ដាយសន្ដីបន្ទោស រឿងធ្វើឲ្យបែកធុងប៉េត្រូ។ ក្រោយពីខឹងនឹងម្ដាយរួចបុរសរូបនេះ បានដើរចេញទៅបាត់ លុះព្រឹកឡើងវេលាម៉ោងប្រហែល៦ទៀបភ្លឺ ទើបគេប្រទះឃើញចងកសម្លាប់ខ្លួនជាប់នឹងដើមស្នាយ ដោយអាវយឺតពណ៌ក្រហមចងក ដែល ចម្ងាយពីផ្ទះ១០០ម៉ែត្រ ក្នុងព្រៃឫស្សី។

ក្រោយកើតហេតុសមត្ចកិច្ចបានចុះទៅដល់ ដើម្បីធ្វើកោសល្យវិច័យលើសាកសពឃើញថា ជនរងគ្រោះពិតជាធ្វើអត្តឃាតខ្លួនពិតប្រាកដមែន។ ពិនិត្យចប់ សាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

photo_2016-11-28_10-25-21

photo_2016-11-28_10-25-23

ចែកចាយបន្ត