ម្នាក់ធ្លាយពោះ ម្នាក់ទៀតរបួសធ្ងន់ ក្រោយពីជិះម៉ូតូលឿនពេកដួលអូសជាង១០ម៉ែត្រ

ស្វាយរៀងៈ យុវជន២នាក់ បានរងរបួសធ្ងន់ ក្នុងនោះមានម្នាក់ធ្លាយពោះ ដោយសារពួកគេជិះម៉ូតូលឿនពេក ហើយគេចរ៉ឺម៉កដឹកស្រូវ បណ្តាលឲ្យដួលអូសជាង១០ម៉ែត្រ។

ករណីគ្រោះថ្នាក់នេះបានកើតឡើងកាលពីវេលាម៉ោងជាង៥ល្ងាចថ្ងៃទី២៧ ខែវិច្ឆកា ឆ្នាំ២០១៦នៅលើផ្លូវជាតិលេខ១ស្ថិតក្នុងភូមិទន្លៀង ឃុំរមាំថ្កោល ស្រុកស្វាយទាប ខេត្ត ស្វាយរៀង។

ប្រភពពីប្រជាពលរដ្ឋបានឲ្យដឹងថា នៅមុនពេលកើតហេតុគេឃើញយុវជន២នាក់ជិះម៉ូតូមួយគ្រឿងម៉ាក ហុងដា សេ១២៥ ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ស្វាយរៀង 1H-0463 បើកបរពីលិចទៅកើតលុះមកដល់ចំណុចក្លោងទ្វារវត្តឡវ៉ាក់ ក៏មានរ៉ឺម៉កដឹកស្រូវ ធ្វើដំណើរស្របទិសគ្នា ហើយបតស្តាំចូលតាមក្លោងទ្វារវត្តធ្វើឲ្យយុវជនរងគ្រោះទាំង២នាក់ដួលអូសជា១០ម៉ែត្ររងរបួសធ្ងន់ទាំង២នាក់តែម្តង ហើយម្នាក់រងរបួសធ្លាយពោះផងដែរ។

ប្រភពបានបន្តទៀតថា ក្រោយពីមានគ្រោះចរាចរណ៍ហើយនោះ រ៉ឺម៉កដឹកស្រូវមិនបានឈប់នោះទេ។ យុវជនរងគ្រោះទាំង២នាក់នោះ ក៏ពុំស្គាល់អត្តសញ្ញាណនោះដែរ ត្រូវបានប្រជាពលរដ្ឋហៅរថយន្តសង្គ្រោះមកដឹកយកទៅមន្ទីរពេទ្យ។ ជនរងគ្រោះបានទូរសព្ទទៅក្រុមគ្រួសារឲ្យមកទទួលយកម៉ូតូដែលផ្ញើនៅផ្ទះប្រជាពលរដ្ឋនៅជិតកន្លែងកើតហេតុនោះផងដែរ៕

photo_2016-11-28_10-47-50

photo_2016-11-28_10-47-46

photo_2016-11-28_10-47-47

photo_2016-11-28_10-47-48