មនុស្ស២នាក់ ត្រូវបានបុរសសតិមិនគ្រប់ កាប់នឹងកាំបិតខ្វេវម្នាក់ស្លាប់ ម្នាក់របួសធ្ងន់

ព្រះសីហនុៈ ហេតុការណ៍ភ្ញាក់ផ្អើលមួយបានកើតឡើង បន្ទាប់ពីមនុស្សប្រុសស្រី២នាក់ ត្រូវបានឃាតកដែលជាមនុស្សមានសតិមិនគ្រប់ ធ្វើសកម្មភាពយកកាំបិតខ្វេវ កាប់ប្រហារចំគល់កខាងក្រោយ បណ្តាលឲ្យម្នាក់ស្លាប់ភ្លាមៗយ៉ាងអាណោចអាធ័ម និងស្ត្រីម្នាក់ទៀតរងរបួសធ្ងន់ កាលពីវេលាម៉ោង៧និង៣០នាទីយប់ ថ្ងៃទី២៧ ខែវិច្ឆិកា ឆ្នាំ២០១៦ ស្ថិតនៅចំណុចភ្នំត្រងោល ភូមិអូរត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ។

សមត្ថកិច្ចបានឲ្យដឹងថា ជនដៃដល់ដែលជាឃាតកមានឈ្មោះ ព្រំ កិន ភេទប្រុស
អាយុ៥៨ឆ្នាំ ជាជនមានសតិមិនគ្រប់។ ចំណែកជនរងគ្រោះទី១ មានឈ្មោះ អ៊ុក វណ្ណថា ភេទប្រុស អាយុ៦៦ឆ្នាំ មុខរបរកាប់អុសលក់ មានទីលំនៅចំណុចកើតហេតុ។ និងទី២មានឈ្មោះ អឿន សុខា ភេទស្រី អាយុ៣២ឆ្នាំ ត្រូវជាប្រពន្ធរបស់ជនរងគ្រោះទី១ រងរបួសធ្ងន់ចំគល់កខាងឆ្វេង។

សមត្ថកិច្ចបានបន្តថា សាកសពជនរងគ្រោះខាងលើនេះ ត្រូវបានឃាតករដែលមានសតិមិនគ្រប់ធ្វើសកម្មភាព យកកាំបិតលៀមដង ឈើវែង (កាំបិតខ្វេវ) កាប់ទៅលើបុរសរងគ្រោះ ចំគល់កខាងក្រោយ បណ្តាលឲ្យស្លាប់ភ្លាមនៅនឹងកន្លែង រួចបន្តកាប់ទៅលើស្ត្រីជាប្រពន្ធរបស់ជនរងគ្រោះម្នាក់ទៀត ចំគល់កខាងឆ្វេង បណ្តាលឲ្យរងរបួសយ៉ាងធ្ងន់ធ្ងរ រួចក៏ប្រញាប់រត់គេចខ្លួនបាត់ស្រមោល។

បច្ចុប្បន្នសម្ថកិច្ចកំពុងស្រាវជ្រាវរកជនដៃដល់ ដើម្បីឈានទៅដល់ការចាប់ខ្លួនមកកាន់ផ្តន្ទាទោសតាមផ្លូវច្បាប់ ចំណែកសាកសពជនរងគ្រោះត្រូវបានសមត្ថកិច្ចធ្វើកំណត់ហេតុ ប្រគល់ឲ្យក្រុមគ្រួសារធ្វើបុណ្យតាមប្រពៃណី៕

ឃាតកម្ម

ឃាតកម្ម

ឃាតកម្ម

ឃាតកម្ម