សមត្ថកិច្ចចាប...

សមត្ថកិច្ចចាប់ខ្លួនជនសង្ស័យម្នាក់ តាមដីកាបង្គាប់តុលាការ

ចែកចាយបន្ត

បាត់ដំបងៈ ជនសង្ស័យម្នាក់ត្រូវបានកម្លាំងនគរបាលស្រុករតនមណ្ឌល ធ្វើការចាប់ឃាត់ខ្លួនតាមដីបង្គាប់តុលការ ពីបទជួញដូរនូវសារធាតុញៀនខុសច្បាប់ ដែលការចាប់ខ្លួននេះបានធ្វើឡើងកាលពីវេលាម៉ោង៨និង២០នាទី ថ្ងៃទី២៩ ខែវិច្ឆិកា ឆ្នាំ២០១៦ ខណៈដែលជនសង្ស័យខាងលើ កំពុងលាក់ខ្លួននៅភូមិបាដាក់ត្បូង ឃុំរស្មីសង្ហារ ស្រុករតនមណ្ឌល ខេត្តបាត់ដំបង។

សមត្ថកិច្ចបានឲ្យដឹងថា ជនសង្ស័យខាងលើមានឈ្មោះ នូវ សារី ហៅ រ៉ី ភេទប្រុស អាយុ៣៤ឆ្នាំ ស្នាក់នៅភូមិបាដាក់ត្បូង ឃុំរស្មីសង្ហារ ស្រុករតនមណ្ឌល ខេត្តបាត់ដំបង។ ត្រូវបានសមត្ថកិច្ចចាប់ខ្លួន តាមដីកាបង្គាប់ឲ្យចាប់ខ្លួន លេខ២៨៣ តព្រ/១៦ របស់ចៅក្រមស៊ើបសួរខេត្តបាត់ដំបង លោក លិ សុខា ចុះថ្ងៃទី០១ ខែវិច្ចិកា ឆ្នាំ ២០១៦ ដោយចោទប្រកាន់ពីបទ ជួញដូរដោយខុសច្បាប់នូវសារធាតុញៀន ប្រព្រឹត្តនៅភូមិព្រែកមហាទេព សង្កាត់ស្វាយប៉ោក្រុងបាត់ដំបង ខេត្តបាត់ដំបង កាលពីថ្ងៃទី២៩ ខែមិថុនា ឆ្នាំ២០១៦។

បច្ចុប្បន្នជនសង្ស័យត្រូវសមត្ថកិច្ចបញ្ជូនទៅកាន់តុលាការ ចាត់ការតាមផ្លូវច្បាប់៕

គ្រឿងញៀន

គ្រឿងញៀន

គ្រឿងញៀន

ចែកចាយបន្ត