កាន់តែក្ដៅ!! ...

កាន់តែក្ដៅ!! សកម្មជនតស៊ូមតិនាំគ្នាដុតទង់ជាតិអាមេរិក ប្រឆាំងនឹងការលើកទ្បើងលោក Donald Trump

150
ចែកចាយបន្ត

អាមេរិកៈ ជារឿងមួយដែលធ្វើឲ្យកាន់តែកើនកម្ដៅនយោបាយ នៅសហរដ្ឋអាមេរិក គឺកើតទ្បើងបន្ទាប់ពីប្រធានាធិបតីជាប់ឆ្នោតលោក Donald Trump បានសរសេរនៅលើគនណី Twitter របស់លោក កាលពីថ្ងៃច័ន្ទថា រាល់ជនណាដែលដុតទង់ជាតិសហរដ្ឋអាមេរិក គួរតែត្រូវបានដាក់ពិន័យ ដោយដាក់ពន្ធនាគារ១ឆ្នាំ ឬបាត់បង់សញ្ជាតិ។

ឥទ្បូវនេះ ក៏មានក្រុមតស៊ូមតិជាលើកដំបូង បានប្រមូលផ្ដុំគ្នា កាលពីថ្ងៃអង្គារ ដោយធ្វើការដុតទង់ជាតិអាមេរិក ដើម្បីឆ្លើយតបទៅនឹងការលើកទ្បើងតាមគនណី Twitter របស់លោក Trump ដែលអ្នកទាំងនោះ គួរតែត្រូវបានផ្តន្ទាទោស។

សូមជម្រាបថា ជំហររបស់លោកនៅពេលនេះ បានប្រឆាំងទៅនឹងការសម្រេចចិត្តរបស់តុលាការកំពូលអាមេរិក កាលពីឆ្នាំ ១៩៨៩ ដែលជំរុញឱ្យសកម្មជនមួយចំនួន ធ្វើការប្រមូលផ្ដុំគ្នា ដោយបំផុសបំផុល ឲ្យមានការដុតទង់ជាតិ អាមេរិក ដើម្បីប្រឆាំងទៅនឹងការលើកទ្បើងរបស់លោក។

នៅក្នុងវីដេអូមួយ បង្ហាញពីសកម្មជនឈរ នៅខាងមុខសណ្ឋាគារអន្តរជាតិលោក Trump ក្នុងទីក្រុង New York ពួកគេបានដុតទង់ជាតិពីររបស់អាមេរិក ដោយនិយាយថា « យើងដុតវា សម្រាប់អ្នករាល់គ្នាក្នុងលោក» ដែលបានបង្ហោះកាលពីយប់ថ្ងៃពុធ។ ក្នុងនោះដែរ ក៏មានអ្នកប្រើប្រាស់បណ្ដាញសង្គម នាំគ្នាចែករំលែក (Share) តៗគ្នាជាច្រើនផងដែរ៕
ប្រភពព័តមាន (New York Post)

ចែកចាយបន្ត