មុខសញ្ញាជួញដូ...

មុខសញ្ញាជួញដូរគ្រឿងញៀន២នាក់ ត្រូវបាននគរបាលចាប់ខ្លួន

ចែកចាយបន្ត

ព្រះសីហនុៈ កាលពីវេលាម៉ោង៨និង២០នាទីយប់ថ្ងៃទី៣០ខែ វិច្ឆិកា ឆ្នាំ២០១៦ ជនសង្ស័យចំនួន២ ត្រូវបានសមត្ថកិច្ចការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តព្រះសីហនុធ្វើការចាប់ខ្លួន ក្នុងបទល្មើស ជាក់ស្តែងខណៈពេលដែលជនសង្ស័យទាំង២នេះ កំពុងធ្វើការជួញដូរថ្នាំញៀននៅត្រង់ចំណុចស្ថិតនៅក្រុមទីលេខ៤ ភូមិ៣ សង្កាត់២ ក្រុងព្រះសីហនុ នៅសណ្ឋាគារព្រីនសេស។

សមត្ថកិច្ចបានប្រាប់ឲ្យដឹងថា ជនសង្ស័យដែលចាប់ខ្លួនមានឈ្មោះទី១. ខេម រ័ត្ន ភេទប្រុស អាយុ២៩ឆ្នាំ ស្រុកកំណើត ខេត្តបាត់ដំបង បច្ចុប្បន្នជួលផ្ទះស្នាក់នៅ ផ្សារដីហ៊ុយ មុខរបរធ្វើនំលក់ និងទី២ ឈ្មោះ ខៀវ កាណាល់ ភេទប្រុស អាយុ២៥ឆ្នាំ ស្រុកកំណើត ទីលំនៅ និង មុខរបរដូចគ្នា។ រីឯវត្ថុតាងដកហូតបាន ថ្នាំញៀនប្រភេទមេតំហ្វេតាមីន (ទឹកកក) ១កញ្ចប់ធំ ទម្ងន់១០០.៥៩ក្រាម។

បច្ចុប្បន្ន ជនសង្ស័យទាំង២ ត្រូវបានសមត្ថកិច្ចនាំយកទសាកសួរបន្ថែម ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមផ្លូវច្បាប់៕

មុខសញ្ញាជួញដូរគ្រឿងញៀន២នាក់

មុខសញ្ញាជួញដូរគ្រឿងញៀន២នាក់

ចែកចាយបន្ត