ពាក្យបណ្ដឹង៤៨...

ពាក្យបណ្ដឹង៤៨ ប្ដឹងចូល ACU រយៈពេលមួយខែ

ចែកចាយបន្ត

ភ្នំពេញៈ ត្រឹមរយៈពេលមួយខែ ពោល គឺខែវិច្ឆិកា ឆ្នាំ២០១៦ បណ្ដឹងចំនួន៤៨ពាក្យ បានប្ដឹងចូលអង្គភាពប្រឆាំងអំពើពុករលួយ (ACU) ដែលក្នុងនោះ បណ្ដឹងអនាមិកមានចំនួន១៨ពាក្យ ស្មើនឹង៣៧%។ ប៉ុន្តែទោះជាយ៉ាងណា ACU មិនបានបញ្ជាក់ឲ្យលម្អិតពីបណ្ដឹងទាំងនោះឡើយ។

នេះជាការលើកឡើងរបស់ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង នៅក្នុងកិច្ចប្រជុំលើកទី១៧ អាណត្តិទី២ នៃក្រុមប្រឹក្សាជាតិប្រឆាំងអំពើពុករលួយ កាលពីថ្ងៃម្សិលមិញ ដោយមានវត្តមានអ្នកចូលរួមសរុបចំនួន១០រូប លើ១១រូប ដំណើរការក្រោមអធិបតីភាព លោក តុប សំ ប្រធានក្រុមប្រឹក្សាជាតិប្រឆាំងអំពើពុករលួយ។

លោក ឱម យ៉ិនទៀង ក៏បានបន្ថែមថា ក្នុងខែវិច្ឆិកា ឆ្នាំ២០១៦នេះ ACU ទទួលបានឯកសារប្រកាសទ្រព្យសម្បត្តិ និងបំណុលចំនួន៨៨នាក់ ក្នុងនោះ មន្ត្រីតែងតាំងថ្មីចំនួន៧៤នាក់ មន្ត្រីលាលែង និងលាឈប់ពីមុខតំណែងចំនួន៤នាក់ និងមន្ត្រីចូលនិវត្តន៍ចំនួន៣នាក់។ តាមសំណូមពរស៊ើបអង្កេត អង្គភាពប្រឆាំងអំពើពុករលួយ ក៏បានតម្រូវឲ្យមន្ត្រីចំនួន២នាក់ ធ្វើការប្រកាសទ្រព្យសម្បត្តិ និងបំណុល។

ក្នុងកិច្ចប្រជុំប្រចាំខែនេះ ក្រុមប្រឹក្សាជាតិប្រឆាំងអំពើពុករលួយ បានវាយតម្លៃខ្ពស់ចំពោះអង្គភាពប្រឆាំងអំពើពុករលួយ និងក្រុមប្រឹក្សាវិន័យ និងត្រួតពិនិត្យផ្ទៃក្នុង អ.ប.ព ដែលមានចំណាត់ការប្រកបដោយតម្លាភាព និងគ្រប់ជ្រុងជ្រោយទាំងវិធានការផ្ទៃក្រៅ និងផ្ទៃក្នុង ដើម្បបង្ការ និងទប់ស្កាត់អំពើពុករលួយ ពិសេសពង្រឹងបន្ថែមនូវវិន័យផ្ទៃក្នុងរបស់មន្ត្រី អ.ប.ព ក្នុងការអនុវត្តភារកិច្ចរបស់ខ្លួន៕

_mg_7431

_mg_7434

_mg_7437

_mg_7441

_mg_7446

_mg_7440

_mg_7435

_mg_7436

_mg_7443

ចែកចាយបន្ត