ឃាត់ខ្លួនសង្ស...

ឃាត់ខ្លួនសង្សារមួយគូ​ ពីបទជួញដូរគ្រឿងញៀន

ចែកចាយបន្ត

កំពង់ចាមៈ កម្លាំងកងរាជអាវុធហត្ថខេត្តកំពង់ចាមបានចុះបង្រ្កាបករណីជួញដូរគ្រឿងញៀនមួយកន្លែង ឃាត់ខ្លួនជនសង្ស័យបានចំនួន២នាក់ កាលពីវេលាម៉ោង៣និង៣០នាទី ថ្ងៃទី៣០ ខែវិច្ឆិកា ឆ្នាំ២០១៦ ស្ថិតនៅចំណុចវត្តតាំងធ្លក ស្ថិតក្នុងភូមិសំរោង ឃុំផ្អាវ ស្រុកបាធាយ ខេត្តកំពង់ចាម។

សមត្ថកិច្ចបានឲ្យដឹងថា ប្រតិបត្តិការនេះ ឃាត់ខ្លួនជនសង្ស័យបានចំនួន២នាក់ក្នុងនោះមានស្រីម្នាក់ ទី១.ឈ្មោះ ជិន វុទ្ធី ភេទប្រុស អាយុ២៣ឆ្នាំ មានទីលំនៅរស់នៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម និងទី២. ឈ្មោះ ស្រី ផល្លី ភេទស្រី អាយុ២២ឆ្នាំ មុខរបរមិនពិតប្រាកដ ទីលំនៅទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ (ត្រូវជាសង្សារនឹងគ្នា)។
ដោយឡែកវត្ថុតាងចាប់យករួមមាន ម្សៅក្រាមពណ៌សថ្លា(ទឹកកក) ចំនួន៣កញ្ចប់(តូច២កញ្ចប់ ធំ១កញ្ចប់) ទម្ងន់១.៤៥ក្រាម ទូរសព្ទដៃចំនួន៣គ្រឿង ម៉ាកណូគាចុចពិលចំនួន២គ្រឿង និងម៉ាកសុងអ៊ីរីសាន់១គ្រឿង និងឧបករណ៍សម្រាប់សេពគ្រឿងញៀនមួយចំនួនទៀត។

បច្ចុប្បន្ន ជនសង្ស័យរួមនឹងវត្ថុតាង កំពុងចាត់ការតាមនីតិវិធីបញ្ជូនទៅតុលាការ៕

គ្រឿងញៀន

គ្រឿងញៀន

ចែកចាយបន្ត