គាស់ផ្ទះប្រជា...

គាស់ផ្ទះប្រជាពលរដ្ឋមិនសម្រេចចាប់ខ្លួនបាន៣នាក់ ២នាក់ទៀតគេចខ្លួន

ចែកចាយបន្ត

ភ្នំពេញៈ ជនសង្ស័យ៣នាក់ ក្នុងចំណោមបក្ខពួក៥នាក់ ធ្វើសកម្មភាពគាស់ផ្ទះរបស់ប្រជាពលរដ្ឋចូលលួចយកទ្រព្យសម្បត្តិ បានសម្រេចព្យាយាមគេចខ្លួន ត្រូវបានប្រជាពលរដ្ឋប្រទះឃើញដេញចាប់បាន។ ហេតុការណ៍នេះបានកើតឡើងកាលពីវេលាម៉ោង៤ ព្រឹកថ្ងៃទី១ ខែធ្នូ ឆ្នាំ២០១៦ នៅចំណុចភូមិជ្រៃកោង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

ជនសង្ស័យទី១មានឈ្មោះ ចាន់ វាសនា ភេទប្រុស អាយុ២៨ឆ្នាំ ស្នាក់នៅភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅស្រុកកំចាយមាស ខេត្តព្រៃវែង។ ទី២ឈ្មោះ វ៉ា សុខនី ភេទប្រុស អាយុ១៩ឆ្នាំ ស្នាក់នៅជាមួយ
គ្នា និងជនសង្ស័យទី៣ឈ្មោះ ទី កក្កដា ភេទប្រុស អាយុ១៨ឆ្នាំ ស្នាក់នៅជាមួយគ្នា។

ទន្ទឹមនឹងការឃាត់ខ្លួនសមត្ថកិច្ចនូវបានរកឃើញឧបករណ៍សម្រាប់គាស់ផ្ទះដូចជាដែកគាស់តូចៗដូចជា ទួណឺវីស៣,កូនសោមួយចំនួន, ដែកកាប់អូតូម៉ាទិច១,បង់កាំភ្លើង១ និងអត្តសញ្ញាណប័ណ្ណចំនួន៩សន្លឹក ដែលពួកគេលួចយកបានមក។

តាមប្រជាពលរដ្ឋនៅក្នុងភូមិកើតហេតុបានឲ្យដឹងថានៅក្នុងភូមិរបស់គាត់ឧស្សាហ៍កើតមានករណីគាស់ផ្ទះលួចយកទ្រព្យសម្បត្តិបែបនេះញឹកញាប់ណាស់ ហើយនៅពេលនេះទើបចាប់ខ្លួនបាន៣នាក់ ។

ក្រោយពេលចាប់ខ្លួនបានភ្លាមៗក្រុមប្រជាពលរដ្ឋបាននាំគ្នាវាយមួយដៃមួយជើងម្នាក់ឡើងទ្រមខ្លួនផងដែរ ដោយមុនដំបូងគេនឹកស្មានថាជាករណីប្លន់ធំដុំ ក្រោយមកទើបដឹងថាជាក្រុមចោរគាស់ផ្ទះទើបមានការបន្ថុយដៃវិញ រួចប្រគល់ឲ្យសមត្ថកិច្ចចាត់ការតាមនីតិវិធីច្បាប់៕

ចែកចាយបន្ត