កម្លាំងរដ្ឋបា...

កម្លាំងរដ្ឋបាលព្រៃឈើ បង្ក្រាបរថយន្តតូយ៉ូតាវីហ្គូមួយគ្រឿង ដកហូតឈើប្រណីតជាច្រើនដុំ

ចែកចាយបន្ត

ស្ទឹងត្រែងៈ កម្លាំងរដ្ឋបាលព្រៃឈើសេសាន ឆ្មក់បង្ក្រាបរថយន្តតូយ៉ូតាមួយគ្រឿង ដកហូតឈើប្រណីតជាច្រើនដុំនៅក្នុងរថយន្ត ដែលការបង្ក្រាបនេះបានធ្វើឡើងកាលពីថ្ងៃទី៣០ ខែវិច្ឆិកា ឆ្នាំ២០១៦ ស្ថិតនៅចំណុចក្នុងភូមិភ្លុក ឃុំភ្លុក ស្រុកសេសាន ខេត្តស្ទឹងត្រែង។

សមត្ថកិច្ចបានឲ្យដឹងថា ការបង្ក្រាបខាងលើធ្វើឡើងដោយមន្រ្ដីសង្កាត់រដ្ឋបាលព្រៃឈើសេសាន សហការជាមួយនគរបាលនៃអធិការដ្ឋានស្រុកសេសាន ឆ្មក់បង្ក្រាបម៉ាក តូយ៉ូតាវីហ្គូ មួយគ្រឿង ពាក់ស្លាកលេខ ភ្នំពេញ 2Y-0585 ដែលមានការដឹកជញ្ជូនឈើអារប្រភេទប្រណីតខុសច្បាប់។ ជាក់ស្តែងក្នុងការបង្ក្រាបនេះ សមត្ថកិច្ចដកហូតបានឈើប្រណីតប្រភេទ ធ្នង់ចំនួន២៥ដុំ ស្មើនឹង០,៧៩៤ ម៉ែត្រត្រីគុណ ចំណែកអ្នកបើកបររថយន្តរត់គេចខ្លួនបាត់។

បច្ចុប្បន្ន វត្ថុតាងខាងលើ ត្រូវសមត្ថកិច្ចបានយកមករក្សាទុកនៅស្នាក់ការខណ្ឌរដ្ឋបាលព្រៃឈើស្ទឹងត្រែង ដើម្បីចាត់ការតាមនីតិវិធីច្បាប់៕

ចាប់ឈើ

ចាប់ឈើ

ចែកចាយបន្ត