ជនជាតិមូស្លីម...

ជនជាតិមូស្លីមឥណ្ឌូនេស៊ីរាប់ពាន់នាក់ ប្រមូលផ្តុំគ្នាតវ៉ាប្រឆាំងនឹងអភិបាលក្រុងហ្សាការតា

ចែកចាយបន្ត

ឥណ្ឌូនេស៊ីៈ ជនមូស្លីមឥណ្ឌូនេស៊ីរាប់ពាន់នាក់ បានស្លៀកពាក់ស កាលពីថ្ងៃពុធ បានប្រមូលគ្នាប្រមាណជា ១០០,០០០នាក់ នៅឧទ្យានក្រុងហ្សាការតា ដើម្បីទាមទារឲ្យមានការចាប់ខ្លួន អភិបាលរដ្ឋធានីហ្សាការតាម្នាក់ ដោយចោទប្រកាន់ពីបទប្រមាថគម្ពីរកូរ៉ាន។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២ ខែធ្នូ ឆ្នាំ២០១៦។

ក្រុមមូស្លីមបានចោទប្រកាន់អភិបាលក្រុងហ្សាការតា លោក Basuki Tjahaja Purnama ថា បានប្រមាថគម្ពីរកូរ៉ាន ហើយនៅថ្ងៃសុក្រនេះ ពួកគេបាននាំគ្នាធ្វើបាតុកម្មផងដែរ។ ទីភ្នាក់ងារព័ត៌ជាតិ Antara បានឱ្យដឹងថា មន្ត្រីប៉ូលិស ២២,០០០នាក់ ត្រូវបានដាក់ពង្រាយ ដើម្បីចៀសវាងការផ្ទុះអំពើហឹង្សាទ្បើងវិញ ដែលបានកើតឡើង នៅក្នុងការតវ៉ាប្រឆាំងរបស់ពួកអ៊ីស្លាមនិយម កាលពីខែមុន ដែលបានបង្កឲ្យមនុស្សជាង ១០០ នាក់ រងរបួសក្នុងការប៉ះទង្គិចគ្នាជាមួយប៉ូលិស។

លោក Purnama ជាជនជាតិឥណ្ឌូនេស៊ីដើមកំណើតចិន ដែលជាគ្រិស្ដសាសនិក ត្រូវបានប៉ូលិសស៊ើបអង្កេតពីការបញ្ចេញយោបល់របស់គាត់ នៅពេលធ្វើយុទ្ធនាការនយោបាយ
ជុំវិញករណីបំពានលើគម្ពីរកូរ៉ាន។ ពាក់ព័ន្ធនឹងរឿងនេះ លោក Purnama បានធ្វើការបដិសេធការចោទប្រកាន់ ហើយលោកក៏បានសុំអភ័យទោសរួចហើយផងដែរ។

សូមជំរាបថា ឥណ្ឌូនេស៊ីមានប្រជាជនអ៊ីស្លាមច្រើនជាងគេបំផុត នៅក្នុងលើពិភពលោក ក្នុងនោះក៏រួមមានសាសនាប្រាំមួយផ្សេងទៀត និងក្រុមជនជាតិភាគតិច ដែលមានជំនឿលើប្រពៃណីផងដែរ៕

photo_2016-12-02_09-53-00

photo_2016-12-02_09-53-03

photo_2016-12-02_09-53-06

photo_2016-12-02_09-53-10

ចែកចាយបន្ត