លោក Putin ជំរ...

លោក Putin ជំរុញឲ្យអាមេរិក ចូលរួមជាមួយខ្លួន ក្នុងការប្រយុទ្ធប្រឆាំងនឹងភេរវកម្មអន្តរជាតិ

ចែកចាយបន្ត

រុស្ស៊ីៈ ប្រធានាធិបតីរុស្ស៊ី លោក Vladimir Putin បានសម្តែងនូវសេចក្តីសង្ឃឹមថា រដ្ឋាភិបាលក្រុងវ៉ាស៊ីនតោន នឹងចូលរួមជាមួយក្រុងម៉ូស្គូ ក្នុងកិច្ចខិតខំប្រឹងប្រែង ដើម្បីប្រឆាំងនឹងអំពើភេរវកម្មអន្ដរជាតិ ដោយសង្កត់ធ្ងន់ថា កិច្ចសហប្រតិបត្តិការទ្វេភាគីរវាងប្រទាំងពីរ នឹងផ្ដល់ផលប្រយោជន៍ដល់ពិភពលោកទាំងមូល។ នេះបើយោងតាមរយៈ សារព័ត៌មានអាទ្បាទ្បាំ ចេញផ្សាយនៅថ្ងៃទី០២ ខែធ្នូ ឆ្នាំ២០១៦។

លោក Putin បាននិយាយក្នុងវិមានក្រឹមឡាំង ទៅកាន់សភាសហព័ន្ធរុស្ស៊ី នៅទីក្រុងម៉ូស្គូ កាលពីថ្ងៃព្រហស្បតិ៍ថា « យើងសង្ឃឹមថា នឹងធ្វើកិច្ចប្រឹងប្រែងរួមគ្នាជាមួយ អាមេរិកក្នុងការប្រយុទ្ធប្រឆាំងនឹងការគំរាមកំហែងភេរវកម្មសកល»។

សូមជំរាបថា ទំនាក់ទំនងរវាងរុស្ស៊ី និងអាមេរិក បានធ្លាក់ចុះ ក្រោយសង្គ្រាមត្រជាក់លើវិបត្តិនៅក្នុងប្រទេសអ៊ុយក្រែន និងសង្រ្គាមនៅស៊ីរី ដែលទីក្រុងម៉ូស្គូ និងទីក្រុងវ៉ាស៊ីនតោនមានការខ្វែងគំនិតគ្នា ចំពោះជម្លោះញាំញីនៅមជ្ឈឹមប្រទេស អស់រយៈពេលជាងប្រាំឆ្នាំមកនេះ។

ការលើកទ្បើងរបស់មេដឹកនាំរុស្ស៊ី ត្រូវបានគេកត់សម្គាល់ថា ប្រទេសរបស់លោក កំពុងតែសម្លឹងឆ្ពោះទៅមុខ ដើម្បីជួសជុលទំនាក់ទំនងជាមួយសហរដ្ឋអាមេរិក បន្ទាប់ពីប្រធានាធិបតីជាប់ឆ្នោតលោក Donald Trump នឹងត្រូវទ្បើងកាន់តំណែងនៅសេតវិមាន នាខែមករាខាងមុននេះ៕

photo_2016-12-02_10-38-42

ចែកចាយបន្ត