Post News Media ព័ត៌មានទូទៅ ការប្រឈរមុខដា...

ការប្រឈរមុខដាក់គ្នារវាងប្រទេសមាននុយក្លេអ៊ែរពីរ ធ្វើឲ្យសកលលោកភ័យព្រួយ!

ចែកចាយបន្ត

បរទេស: ប្រទេសឥណ្ឌា និងប៉ាគីស្ថានមានទំនាក់ទំនងជាមួយគ្នា កាន់តែអាក្រក់ឡើងនៅក្នុងឆ្នាំ ២០១៦ ខណ:ដែលភាពតានតឹងរវាងប្រទេសទាំងពីរកាន់តែកើនឡើង បានធ្វើឲ្យសហគមន៍អន្តរជាតិ មានការព្រួយបារម្ភ ដោយមើលឃើញថា ឥណ្ឌា និងប៉ាគីស្ថាន ជាប្រទេសជិតខាងគ្នា តែបែរមកវាយប្រយុទ្ធគ្នានៅក្នុងសង្គ្រាម ជាច្រើនលើកច្រើនសារកាលពីអតីតកាលរហូតដល់បច្ចុប្បន្ននេះ ស្របពេលដែលប្រទេសទាំងពីរមានអាវុធនុយក្លេអ៊ែរដូចគ្នា។ នេះបើយោងតាមសារព័ត៌មាន BBC ចេញផ្សាយនៅថ្ងៃទី០៤ ខែមករា ឆ្នាំ២០១៧។

នាយករដ្ឋមន្ត្រីឥណ្ឌាលោក នូរិប្រាក់មុជឌី បានចូលរួមក្នុងពីធីមង្គលការចៅស្រីនាយករដ្ឋមន្ត្រីប៉ាគីស្ថាន លោក
ណាវ៉ាសារីស កាលពីចុងខែធ្នូ ឆ្នាំ២០១៥ ដែលជាសញ្ញាមួយផ្តើមទំនាក់ទំនងឲ្យប្រទេសទាំងពីរ
ប្រសើរឡើងវិញ នៅឆ្នាំ២០១៦។ ប៉ុន្តែការវាយប្រហារដោយពួកសម្មប្រយុទ្ធ នៅខែមករា ឆ្នាំ២០១៦ លើមូលដ្ឋានកងទ័ពអាកាសរបស់ឥណ្ឌា នៅក្រុងផាត់ថនហ្គោត បានប៉ះពាល់ដល់ការផ្សះផ្សាទំនាក់ទំនង របស់ប្រទេសទាំងពីរ ដែលចាប់ពីពេលនោះមក ទំនាក់ទំនងនៃប្រទេសទាំងពីរដាំក្បាលចុះក្រោម ។ នៅខែកក្កដា ឆ្នាំ២០១៦ លោក បើហានវ៉ានី មេដឹកនាំផ្តាច់ខ្លួននៅតំបន់កាសស្មា ត្រូវបានទាហានឥណ្ឌាបាញ់ស្លាប់ ការស្លាប់នេះ
ធ្វើឲ្យមានការតវ៉ាជាច្រើនខែ ដែលបណ្តាលឲ្យអ្នកតវ៉ា និងទាហានមួយចំនួនស្លាប់ ដែលជាកត្តាធ្វើឲ្យមានការតានតឹងជាងមុន។

សូមជំរាបថា ឥណ្ឌា និងបាគីស្ថានបានស្តីបន្ទោសឲ្យគ្នាទៅវិញទៅមក នៅក្នុងកិច្ចប្រជុំអង្គការសហប្រជាជាតិ៕