Post News Media ព័ត៌មានទូទៅ ពួកសកម្មប្រយុ...

ពួកសកម្មប្រយុទ្ធជិត ២០០ នាក់ ទម្លាក់អាវុធចុះ មកចូលរួមជាមួយកងទ័ពស៊ីរី

ចែកចាយបន្ត

ស៊ីរី: ពួកសកម្មប្រយុទ្ធប្រមាណជា ២០០ នាក់ មកពីភូមិជាច្រើននៅភាគនិរតីជាយរដ្ឋធានីដាម៉ាស ប្រទេសស៊ីរី បាននាំគ្នាទម្លាក់អាវុធចុះ និងសុំចូលរួមជាមួយកងទ័ពស៊ីរី។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៦ ខែមករា ឆ្នាំ២០១៧។

ប្រធានគណ:កម្មាធិការផ្សះផ្សា ក្នុងតំបន់នៅជនបទ លោក Mou’men Jarida បាននិយាយថា «ពួកសកម្មប្រយុទ្ធមកពីភូមិ Beit Saber, Beit Tima, Saasaa al-Gharbiyeh, Hassno and Kafar Hour បានប្រគល់អាវុធរបស់ពួកគេទៅឲ្យអាជ្ញាធរ និងបានសន្យាថា មិនចូលរួមក្នុងទង្វើណាមួយ ដែលបង្កផលប៉ះពាល់ដល់សន្តិសុខប្រទេសកំណើតទ្បើយ»។

លោក Jarida បានកត់សម្គាល់ថា ដំណើរការផ្សះផ្សាជាតិ នៅតាមមូលដ្ឋាននឹងឆាប់ ត្រូវបានអនុវត្តនៅផ្នែកភាគខាងត្បូង និងភាគខាងលិចនៃខេត្ត Quneitra និងភាគខាងត្បូងខេត្ត Dara’a ។

ដំណើរការផ្សះផ្សាជាតិនេះដែរ ជាផ្នែកមួយនៃគោលនយោបាយរបស់រដ្ឋាភិបាលស៊ីរី ដើម្បីបង្កើនការសន្ទនារវាងជាតិសាសន៍ខ្លួនឯង ក្នុងការដោះស្រាយវិបត្តិនៅក្នុងប្រទេស។

គួរបញ្ជាក់ដែរថា នៅក្នុងដំណើរការនេះ ត្រូវបានគេរំពឹងទុកថា នឹងមានពួកសកម្មប្រយុទ្ធជិត ១.២០០ នាក់ ព្រមទម្លាប់អាវុធរបស់ពួកគេ ដើម្បីចុះចូលជាមួយកងកម្លាំងរដ្ឋាភិបាល ៕