Post News Media ព័ត៌មានជាតិ សាហាវម៉្លេះ! ...

សាហាវម៉្លេះ! រំលោភសម្លាប់ស្ត្រីម្នាក់ នៅកណ្ដាលវាលស្រែ

ចែកចាយបន្ត

តាកែវ: ស្ត្រីវ័យ​ប្រហែល៣៥ឆ្នាំម្នាក់ ត្រូវបានជនមិនស្គាល់មុខរំលោភ ហើយវាយសម្លាប់នៅកណ្ដាលវាលស្រែ បង្កការភ្ញាក់ផ្អើលកាលពីព្រឹកថ្ងៃទី១១ ខែមករា ឆ្នាំ២០១៧ ស្ថិតនៅក្នុងភូមិយុលចេក ឃុំជីខ្មា ស្រុកទ្រាំង ខេត្តតាកែវ។

ក្រោយទទួលបានព័ត៌មានកម្លាំងនគរបាលស្រុកទ្រាំង សហការជាមួយកម្លាំងជំនាញកោសល្យវិច័យនៃស្នងការដ្ឋាននគរបាលខេត្ត បានចុះទៅពិនិត្យ និងធ្វើកោសល្យវិច័យលើសាកសព បានបញ្ជាក់ថា ស្ត្រីរងគ្រោះខាងលើង ពិតជាស្លាប់ ដោយសារករណីរំលោភសម្លាប់ពិតប្រាកដមែន។

សមត្ថកិច្ចបានឲ្យដឹងទៀតថា សាកសពមិនទាន់​ស្គាល់អត្តសញ្ញាណនៅឡើយទេ អាយុប្រហែលជាង៣៥ឆ្នាំ ពាក់អាវសាច់កំណាត់ក្រឡាការ៉ូ ពណ៌ក្រហម និងស្លៀកខោសាច់កំណាត់ពណ៌ទឹកប៊ិច។

បច្ចុប្បន្នសមត្ថកិច្ចកំពុងស្រាវជ្រាវវែកមុខរកជនដៃដល់ យកមកផ្តន្ទាទោសតាមផ្លូវច្បាប់៕