Post News Media ព័ត៌មានជាតិ លោក ម៉ម ប៊ុនហ...

លោក ម៉ម ប៊ុនហេង ចុះផ្សព្វផ្សាយដល់ពលរដ្ឋអំពីមេរោគ ហ្ស៊ីកា

ចែកចាយបន្ត

បន្ទាយមានជ័យ: លោក ម៉ម ប៊ុនហេង រដ្ឋមន្ត្រីក្រសួងសុខាភិបាល លោកលីសារីអភិបាលរងខេត្តបន្ទាយមានជ័យ លោកវេជ្ជបណ្ឌិត កែវ សុភ័ត្រា ប្រធានមន្ទីរសុខាភិបាលខេត្តបន្ទាយមានជ័យ អមដំណើរដោយលោកវេជ្ជ:បណ្ឌិតជាច្រើននាក់ទៀត នៅព្រឹកថ្ងៃទី៥ ខែតុលា ឆ្នាំ២០១៦នេះ បានចុះត្រួតពិនិត្យ និងធ្វើការផ្សព្វផ្សាយដល់ប្រជាពលរដ្ឋខ្មែរទូទាំងប្រទេស ឲ្យធ្វើការប្រុងប្រយត្នអំពីមេរោគថ្មីជាប្រភេទជំងឺឆ្លង ដែលមានឈ្មោះ ហ្ស៊ីកានៅច្រកអន្តរជាតិប៉ោយប៉ែត ខេត្តបន្ទាយមានជ័យ។

ក្នុងពិធីចុះពិនិត្យនិងផ្សព្វផ្សាយអំពីមេរោគថ្មីនេះ លោក ម៉ម ប៊ុនហេង បានមានប្រសាសន៍ថា ជំងឺហ្ស៊ីកានេះ ជាប្រភេទជំងឺថ្មី ហើយឆ្លងដែលបង្កដោយពពួកវីរុសហ្ស៊ីកាហើយភ្នាក់ងារចម្លងជាប្រភេទមូសខ្លា ដូចគ្នានិងជំងឺក្រុនឈាមដែរ រោគសញ្ញាជំងឺនេះកើតមានដូចជា ក្តៅខ្លួន ស្នាមក្រហមអុចលើស្បែក ឈឺសាច់ដុំ និងកន្លាក់ដៃជើង ភ្នែកឡើងក្រហម អស់កំលាំង ឈឺក្បាល រាកក្អួតជាដើម។

លោក ម៉ម ប៊ុនហេង បានមានប្រសាសន៍បញ្ជាក់ទៀតថា នៅក្នុងប្រទេសកម្ពុជាយើងនេះអត្រាមរណ:នៃជំងឺនេះពុំទាន់មាននៅឡើយ បើទោះបីមិនទាន់មាននៅក្នុងប្រទេសកម្ពុជាយ៉ាងណាក៏ដោយ ជំងឺនេះអាចបង្កផលវិបាក បន្ទាប់ពីមានការឆ្លងពីមេរោគហ្ស៊ីកានេះ រួចប្រជាពលរដ្ឋមានសភាពដូចជា ជំងឺទន់ដៃទន់ជើង និងធ្វើឲ្យប៉ះពាល់ដល់ប្រព័ន្ធសរសៃប្រាសាទរបស់ស្ត្រីមានផ្ទៃពោះទារកអាចស្លាប់នៅក្នុងផ្ទៃម្តាយបានបើមិនស្លាប់វិញ ក៏ក្បាលទារកមិនប្រក្រតីដែរ ភាគច្រើនកើតលើស្ត្រីមានទម្ងន់៣ខែហើយរហូតមកដល់ពេលនេះមិនទាន់មានថ្នាំព្យាបាលរោគជំងឺហ្ស៊ីកានេះឡើយទេ។

លោកបានបញ្ជាក់ទៀតថា យើងអាចការពារជំងឺឆ្លងនេះបានដូចជា ត្រូវលប់បំបាត់ជម្រកមូស ការពារកុំឲ្យមូលខ្លាខាំនៅពេលព្រឹក និងល្ងាចក្មេង និងមនុស្សចាស់ពេលដេកត្រូវចងម៉ុងទាំងយប់ទាំងថ្ងៃ ត្រូវស្លៀកបំពាក់ឲ្យបានជិតៗ ជៀសវាងក្នុងទីងងឹតជាដើម។

លោក ម៉ម ប៊ុនហេង បានធ្វើការផ្តាំផ្ញើដល់ប្រជាពលរដ្ឋទូទាំងប្រទេសទាំងអស់ត្រូវមានការប្រុងប្រយត្នឲ្យបានខ្ពស់បំផុត ប្រសិនបើធ្វើដំណើរទៅកាន់ប្រទេសដែលកំពុងមានការរាតត្បាតជំងឺស្ស៊ីកានេះ ត្រូវអនុវត្តឲ្យបានខ្ជាប់ខ្ជួននូវវិធីការពារខ្លួនដូចរៀបរាប់ខាងលើ បើស្ត្រីមានផ្ទៃពោះវិញ គួរតែជៀសវាងការធ្វើដំណើរទៅកាន់តំបន់នេះ ហើយប្រជាពលរដ្ឋណាសង្ស័យថា ខ្លួនឆ្លងជំងឺហ្ស៊ីកានេះត្រូវទៅមន្ទីរពេទ្យជាប្រញាប់ហើយអាចធ្វើការទាក់ទងតាមលេខទូរសព្ទ០១២៨២៥៤២៤ និងលេខទូរសព្ទ១១៥ បានក្រោយពីចប់ការពិនិត្យនិងធ្វើការផ្សព្វផ្សាយអំពីជំងឺហ្ស៊ីកាជូនដល់អ្នកដំណើរនៅតាមច្រកអន្តរជាតិប៉ោយប៉ែតរួចមកលោក ម៉ម ប៊ុនហេង បានចុះទៅសួរសុខទុក្ខអ្នកជំងឺនៅដេកសម្រាកព្យាបាលនៅមន្ទីរពេទ្យបង្អែកប៉ោយប៉ែតហើយបានចែកសារុងដល់អ្នកជំងឺនិងអ្នកកំដរមួយម្នាក់ផងដែរ៕

photo_2016-10-06_11-51-21

photo_2016-10-06_11-50-49

photo_2016-10-06_11-50-51

photo_2016-10-06_11-50-52

photo_2016-10-06_11-50-54

photo_2016-10-06_11-50-56

photo_2016-10-06_11-50-58

photo_2016-10-06_11-51-00

photo_2016-10-06_11-51-02

photo_2016-10-06_11-51-04

photo_2016-10-06_11-51-06

photo_2016-10-06_11-51-09

photo_2016-10-06_11-51-12

photo_2016-10-06_11-51-14

photo_2016-10-06_11-51-16

photo_2016-10-06_11-51-17

photo_2016-10-06_11-51-19