Post News Media ព័ត៌មានជាតិ អាវុធហត្ថខណ្ឌ...

អាវុធហត្ថខណ្ឌចំការមនឃាត់ខ្លួនយុវជន៣នាក់ ដកហូតថ្នាំញៀន១១កញ្ចប់

ចែកចាយបន្ត

ភ្នំពេញ: នៅវេលាម៉ោង១៥និង៣០នាទី ថ្ងៃទី៥ ខែតុលា ឆ្នាំ២០១៦ ចំណុចម្តុំច្រមុះជ្រូកក្បាលថ្នល់ ច្រកឌឿងហែមភូមិ១២ ផ្លូវមុន្នីវង្ស សង្កាត់ទន្លេបាសាក់ ខណ្ឌចំកាមន កម្លាំងកងរាជអាវុធខណ្ឌបានឃាត់ខ្លួនជនសង្ស័យម្នាក់ឈ្មោះ សុខ វិសាល ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះលេខ៤០២ ផ្លូវមុន្នីវង្ស សង្កាត់ទន្លេបាសាក់ ខណ្ឌចំការមន ដកហូតថ្នាំញៀនក្រាមពណ៌ស២កញ្ចប់ និងយកទៅធ្វើការសាកសួរ។

ក្រោយការសាកសួរនៅវេលាម៉ោង១៧និង១០នាទី កម្លាំងកងរាជអាវុធហត្ថខណ្ឌបានសហការជាមួយជំនាញការិយាល័យគ្រឿងញៀនកងរាជអាវុធហត្ថរាជធានីភ្នំពេញ ចុះទៅឆែកឆេរផ្ទះជួលមួយកន្លែងក្រោយក្រុមហ៊ុន QB ចំណុចភូមិ៥ ផ្លូវមុន្នីវង្ស សង្កាត់ផ្សារដើមថ្កូវ ខណ្ឌចំកាមន និងបានឃាត់ខ្លួនជនសង្ស័យចំនួន២នាក់ មានឈ្មោះ អៀង សុខឌី ភេទប្រុស អាយុ៣២ឆ្នាំ កម្មកររោងចក្រ ស្នាក់នៅផ្ទះលេខ១៣០៧ ផ្លូវជាតិលេខ២ សង្កាត់ចាក់អង្រែលើ ខណ្ឌមានជ័យ និងឈ្មោះ គង់ សុធារ៉ា ភេទប្រុស អាយុ១៦ឆ្នាំ កម្មករសំណង់ ស្នាក់នៅផ្ទះកើតហេតុ។

កម្លាំងបានដកហូតថ្នាំញៀន ក្រាមពណ៌ស៩កញ្ចប់តូច ថង់វេចខ្ចប់គ្រឿងញៀន១ចំនួនធំ រួម និងម៉ូតូ២គ្រឿងម៉ាក Suzuki viva ពណ៌ខ្មៅ ស៊េរី២០១៤ ស្លាកលេខ ភ្នំពេញ 1AN-0246 និង Honda C125 ពណ៌ខ្មៅ ស៊េរី២០១២ ស្លាកលេខ ភ្នំពេញ 1AV-6619។

បច្ចុប្បន្នជនសង្ស័យរួម និងវត្ថុតាងឃាត់នៅកងរាជអាវុធហត្ថខណ្ឌ និងសុំការអនុញ្ញាតពីលោកមេបញ្ជាការបញ្ជូនទៅការិយាល័យគ្រឿងញៀនកងរាជអាវុធហត្ថរាជធានីភ្នំពេញ។

photo_2016-10-06_13-33-37

photo_2016-10-06_13-33-33

photo_2016-10-06_13-33-35