Post News Media ព័ត៌មានជាតិ បញ្ជូនខ្លួនជន...

បញ្ជូនខ្លួនជនសង្ស័យ០៥នាក់ទៅតុលាការក្នុងសំណុំរឿង០៤ករណីផ្សេងគ្នា

ចែកចាយបន្ត

ភ្នំពេញ: ជនសង្ស័យ០៥នាក់ត្រូវបានសមត្ថកិច្ចនគរបាលខណ្ឌសែនសុខកសាងសំណុំរឿង​បញ្ជូនទៅកាន់សាលាដំបូង​រាជធានី​ភ្នំពេញ ក្នុងសុំនុំរឿង០៤ករណីផ្សេងគ្នា។ កាលពីម៉ោង០៩និង៣០ព្រឹកថ្ងៃទី០៦ ខែតុលា ឆ្នាំ២០១៦នេះ ក្រោយពីឃាត់ខ្លួនយកមកសាកសួររួចមក។

សមត្ថកិច្ចបានប្រាប់ថាជនសង្ស័យដែលបញ្ជូនទៅព្រឹកនេះមាន០៥នាក់ក្នុងសំណុំរឿង០៤ករណី ទី១.ពាក់ព័ន្ធនឹងករណីលួចទូរសព្ទដៃម្នាក់។ ទី២.​ពាក់ព័ន្ធ​ករណីហិង្សាម្នាក់។ ទី៣.ពាក់ព័ន្ធករណីលួចទូរទស្សន៍ម្នាក់ និងទី៤.ពាក់ព័ន្ធករណីប៉ុនប៉ងលួចចំនួន០២នាក់។

អធិការខណ្ឌសែនសុខ លោក ម៉ក់ ហុង បានឲ្យដឹងថា ដោយមានបញ្ជា ពីលោកអគ្គស្នងការរង និងជាស្នងការរាជធានីភ្នំពេញ និងដោយមានការ​សម្របសម្រួលពីលោកសេង ហៀង ព្រះរាជអាជ្ញារង អយ្យការអមសាលាដំបូងរាជធានីភ្នំពេញបានបញ្ជាមកលោក​ឲ្យចុះ​សហការ និងបង្ក្រាបក្នុងមូល​ដ្ឋានទើបលោក បានដឹកនាំកម្លាំងដោយសហការជាមួយកម្លាំង តាមបណ្តាប៉ុស្តិ៍ទាំង៤ក្នុងមូលដ្ឋានចុះមកបង្ក្រាបឲ្យដូចភ្លៀងរលឹម ក្នុងនោះឃាត់ខ្លួន​ក្រុមជនសង្ស័យខាងលើនេះតែម្តង។

គួររំឭកថា ជនសង្ស័យទាំង០៥នាក់ខាងលើនេះត្រូវបានឃាត់ខ្លួនជាបន្តបន្ទាប់ក្នុងសង្កាត់ទាំង០៤របស់ខណ្ឌសែនសុខ ក្រោយពីធ្វើការសាកសួរចប់ក៏​បានបញ្ជូនខ្លួនទៅកាន់សាលាដំបូងរាជធានីភ្នំពេញនាព្រឹកនេះ ៕

បញ្ជូនទៅតុលាការ

បញ្ជូនទៅតុលាការ