Post News Media ព័ត៌មានជាតិ អាជ្ញាធរខេត្ត...

អាជ្ញាធរខេត្តឧត្តរមានជ័យមិនមានដំណោះស្រាយរឿងដីធ្លីដ៏រ៉ាំរ៉ៃជូនពលរដ្ឋ៤៧គ្រួសារ

ចែកចាយបន្ត

ឧត្តមានជ័យ: ប្រជាពលរដ្ឋ៤៧គ្រួសាររស់នៅក្នុងភូមិថ្មីឃុំត្រពាំងតៅស្រុក អន្លង់វែង ខេត្តឧត្តមានជ័យ ដែលត្រូវបាន អ្នកមាន​អំណាចឃុបឃិតគ្នា ជាមួយអាជ្ញាធរភូមិឃុំ ធ្វើឯកសារលក់ដីរបស់ពួកគាត់ឲ្យលោកឧកញ៉ា លឹម ហេង កាលពីឆ្នាំ២០១២ កន្លងមក រហូតមកដល់ពេល​នេះ ការប្ដឹងផ្ដល់ទាមទារ ទៅអាជ្ញាធរខេត្ដ អស់រយ:ពេលជាច្រើនឆ្នាំមកហើយ នៅតែពុំមានដំណោះស្រាយជូនពួកគាត់នៅឡើយទេ។

ជាក់ស្ដែងនៅព្រឹកថ្ងៃទី៦ ខែតុលា ឆ្នាំ២០១៦ មានប្រជាពលរដ្ឋប្រមាណ៥០នាក់ បានសុំអំពាវនាវដល់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ឲ្យជួយអន្តរាគមន៍ដល់ពួកគាត់ ដែលជាជម្រើសតែមួយចុងក្រោយរបស់ពួកគាត់។ ដោយសារតែ​អាជ្ញាធរ គ្រប់លំដាប់ថ្នាក់ បានត្រូវរ៉ូវគ្នា និងលែងយកចិត្តទុកដាក់មកលើពួកគាត់ទាំងអស់គ្នាទៅហើយ។ តំណាងប្រជាពលរដ្ឋម្នាក់ ឈ្មោះ នង ផាត ជានាយកសាលាទួលស្វាយ ត្រូវបានអាជ្ញាគ្រប់លំដាប់ថ្នាក់កំពុងរៀបចំដកតំណែង ផងដែរពាក់ព័ន្ធក្នុងការតវ៉ានេះផងដែរ ។

ហេតុនេះ ពួកគាត់ទាំង៤៧គ្រួសារ ដែលកំពុងតែប្រឈម និងជីវភាព និងដើរទៅរកភាពទាល់ច្រកផងនោះ សូមទទូចដល់ប្រមុខរាជរដ្ឋាភិបាលជួយ​អន្តរាគមន៍ និងរកភាពយុត្តិធម៌ជូនដល់ពួកគាត់ផង៕

ដីធ្លី

ដីធ្លី

ដីថ្លី