Post News Media ព័ត៌មានជាតិ ផ្លូវក្នុងសង្...

ផ្លូវក្នុងសង្កាត់ទឹកល្អក់៣ ​រងការខូចខាតស្ទើរទាំងស្រុង

ចែកចាយបន្ត

ភ្នំពេញ: នាថ្ងៃទី៩ ខែតុលា ឆ្នាំ២០១៦ សាលាបឋមសិក្សាទឹកល្អក់ រៀបចំកម្មវិធី ពិនិត្យនិងព្យាបាលជំងឺមិនបង់ប្រាក់ ជូនប្រជាពលរដ្ឋនៅក្នុងសង្កាត់ទាំង១០ ក្នុងខណ្ឌទួលគោកទៅតាមកាលបរិច្ឆេត របស់ក្រសួងសុខាភិបាល ដោយមានការចូលរួមពីមន្ទីរពេទ្យចំនួន៤និងរួមសហការពីអង្គភាពប្រឆាំងអំពើពុករលួយផង។

ជាក់ស្តែងប្រជាពលរដ្ឋមានភាពសប្បាយរីករាយដោយមិនចំណាយលើថវិកាចំពោះសុខភាព ដោយសព្វថ្ងៃពួកគាត់មានការបារម្ភទៅលើបញ្ហាចរាចរណ៍ បញ្ហាផ្លូវតូចចង្អៀត បញ្ហាសណ្តាប់ធ្នាប់សាធារណ: និងបញ្ហាសង្គមមួយចំនួនតូច។

ដោយនៅក្នុងមូលដ្ឋានខណ្ឌទួលគោក ផ្លូវមួយចំនួនមានការកាយដាក់លូ និងរងការខូចខាតបន្តបន្ទាប់ស្ទើរទាំងស្រុងដោយទឹកភ្លៀង ចំណតរថយន្តធន់ធំ ការស្ទះលូ …។ល។

ផ្លូវ១៩២ ពីផ្លូវទទឹងលេខ២៥៧ទៅដល់លេខ២៦៥ ផ្លូវ២០៤ ពីផ្លូវទទឹងលេខ២៥៣ទៅដល់លេខ២៦១ ផ្លូវលេខ២១៨នៅតំបន់ផ្សាររោងចក្រ ផ្លូវ២៣០ ចាប់ពីផ្លូវទទឹងលេខ២៥៧ទៅដល់លេខ២៦១ និងផ្លូវ២៦១កែងផ្លូវ២១៨ ស្ថិតនៅសង្កាត់ទឹកល្អក់៣ រងការខូចខាតដោយយាន្តដ្ឋានជួសជុល និងយាន្តដ្ឋានលាងរថយន្តនានា ដេប៉ូចែកចាយទំនិញផ្សេងៗដែលយកផ្លូវចតផ្ទេរទំនិញ ចតជួសជុល។

ក្មេងៗសិស្សសាលាបឋមសិក្សាទឹកល្អក់ដែលមករៀនត្រៀម ឬរៀនគួរ បានប្រាប់ថា នារដូវភ្លៀងដូចនេះ ពេលមករៀននិងពេលចេញពីរៀន ធ្វើដំណើរតាមផ្លូវមានភាពចង្អៀតជួនកាលរថយន្តបើកសាចទឹកប្រលាក់សម្លៀកបំពាក់ និងត្រូវគេចដោយមានរថយន្តតូចៗចតលើផ្លូវមិនដឹងទៅប្រាប់អ្នកណា បើលោកប៉ា អ្នកម៉ាក់ទៅធ្វើការអស់ហើយ។

លោក ជា ឃៀង ចៅរងសង្កាត់ទឹកល្អក់៣ បានប្រាប់ថា លោកទទួលស្គាល់ផ្លូវខាងលើរងការខូចខាតដូចនោះមែន ហើយលោកបញ្ជាក់ថា បញ្ហាទាំងអស់បានរាយការណ៍ និងស្នើដល់ថ្នាក់ខណ្ឌ និងសាលារាជធានីភ្នំពេញហើយ បូករួមទាំងការជួសជុលដោយចំណាយថវិកាសង្កាត់ទឹកល្អក់៣ទៀតផង។ ផ្លូវខូចរង់ចាំ គម្រោងជួសជុលរបស់សាលារាជធានីភ្នំពេញនិងសាលាខណ្ឌទួលគោកឆ្នាំ២០១៧ តាមផ្លូវនីមួយៗដែលរងការខូចខាតទាំងអស់នេះ ។

បញ្ហាមួយទៀតរឿងតូបដែកដែលសាងសង់រួចរាល់ហើយនិងបានបើកដំណើរការ ក្រោយពីលោក ច័ន្ទ ហៃ ចៅសង្កាត់ទុកពេលឲ្យរុះរើនិងលោក ឯក ឃុនដឿន អភិបាលខណ្ឌទួលគោក ឲ្យក្រុមការងារចុះទៅជំរុញខាងអាជ្ញាធរសង្កាត់ចាត់វិធានការក៏គ្មានអ្វីប្រសើរឡើយដោយស្ងាត់ឈឹងហ្មង៕

photo_2016-10-06_14-45-47

photo_2016-10-06_14-44-32

photo_2016-10-06_14-44-33

photo_2016-10-06_14-44-35

photo_2016-10-06_14-44-39

photo_2016-10-06_14-44-41

photo_2016-10-06_14-44-48

photo_2016-10-06_14-44-50

photo_2016-10-06_14-44-52

photo_2016-10-06_14-44-55

photo_2016-10-06_14-45-01

photo_2016-10-06_14-45-07

photo_2016-10-06_14-45-11

photo_2016-10-06_14-45-16

photo_2016-10-06_14-45-18

photo_2016-10-06_14-45-20

photo_2016-10-06_14-45-22

photo_2016-10-06_14-45-41