Post News Media ព័ត៌មានជាតិ តុលាការកាត់ទោ...

តុលាការកាត់ទោសបុរសជនជាតិកុងហ្គោម្នាក់ រឿងបន្លំឯកសារបើកលុយ ជិត៥ម៉ឺនដុល្លារនៅធនាគារកាណាឌីយ៉ា

ចែកចាយបន្ត

ភ្នំពេញ: លោក កែវ មុនី ចៅក្រមជំនុំជម្រះនៃសាលាដំបូងរាជធានីភ្នំពេញ នៅរសៀលថ្ងៃទី៦ ខែតុលា ឆ្នាំ២០១៦នេះ បានបើកសវនាការជាសាធារណ:ជំនុំជម្រះទោសបុរសជនជាតិកុងហ្គោម្នាក់ពាក់ព័ន្ធសំណុំរឿង ប្រើប្រាស់លិខិតឆ្លងដែនក្លែងក្លាយដើម្បីបើកលុយនៅក្នុងធានាគារកាណាឌីយ៉ា ចំនួន ៤៨,០០០ ដុល្លារ។

ជនជាប់ចោទឈ្មោះ KAZI FRANCS OLIVIER ភេទប្រុស អាយុ៣៨ឆ្នាំ ជនជាតិកុងហ្គោ ត្រូវបានលោកស្រី សឺ វណ្ណនី តំណាងអយ្យការចោទប្រកាន់ពីបទ ប្រើប្រាស់ឯកសារសាធារណ:ក្លែង ប្រព្រឹត្តនៅធនាគារកាណាឌីយ៉ា កាលពីអំឡុងថ្ងៃទី១៧ និង២២ ខែមីនា ឆ្នាំ២០១៦ បទល្មើសដែលមានចែងឱ្យផ្តន្ទាទោសតាមប្បញ្ញត្តិមាត្រា ៦២៨នៃក្រមព្រហ្មទណ្ឌ។

នៅក្នុងសវនាការនារសៀលនេះ ជនជាប់ចោទបានសារភាពថា ខ្លួនពិតជាបានយកលិខិតឆ្លងដែនក្លែងក្លាយទៅបើកប្រាក់ចំនួន ៤៨,០០០ដុល្លារនៅធនាគារកាណាឌីយ៉ាប្រាកដមែន ដោយខ្លួនធ្វើតាមបញ្ជារបស់ឈ្មោះ ហ្វ្រង់ ស្វ័រ ដែលសន្យាថា បើកបានលុយបាន នឹងចែកឱ្យខ្លួនចំនួន ២.០០០ដល្លារ។ ជនជាប់ចោទបានបន្តថា ដោយមានការសង្ស័យបុគ្គលិកធនាគារបានចាប់ខ្លួនគេឱ្យសមត្ថកិច្ចភ្លាមៗតែម្តង។
សំណុំរឿងនេះនឹងត្រូវតុលាការប្រកាសសាលក្រមនៅរសៀលថ្ងៃទី១០ ខែតុលា ឆ្នាំ២០១៦ខាងមុខ៕