Post News Media ព័ត៌មានជាតិ រថយន្តកាមរីបា...

រថយន្តកាមរីបាឡែន សាកកម្លាំងជាមួយនឹងគល់ស្ពាន៥មករារងការខូចខាតយ៉ាងដំណំ

ចែកចាយបន្ត

ភ្នំពេញ: បុរសម្នាក់ ត្រូវបានគេសង្ស័យថាស្រវឹងស្រា បានបើករថយន្តម៉ាកកាមរីបាឡែន ក្នុងល្បឿនលឿនជ្រុលទៅបុកនឹង​គល់​ស្ពាន​៥មករា ពេញទំហឹងបណ្តាលឲ្យរងការខូចខាតរថយន្តផ្នែកខាងមុខយ៉ាងដំណំ ចំណែកអ្នកបើកបរដាក់មេប្រូច បាត់ ។ ហេតុការណ៍នេះបា​ន​កើត​ឡើងកាលពីវេលាម៉ោង ៣ទាបភ្លឺឈានចូលថ្ងៃទី៧ ខែតុលា ឆ្នាំ២០១៦ ស្ថិតនៅចំណុចស្ពាន៥មករា ដែលមានទីតាំងទល់មុខនឹង សាកលវិទ្យាល័យ វិទ្យាសាស្រ្តនិងបច្ចេកវិទ្យា តេចណូ ក្នុងសង្កាត់ ទឹកល្អក់២ ខណ្ឌទួលគោក រាជធានីភ្នំពេញ ។

បើយោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញ រថយន្តម៉ាកកាមរីបាឡែន ពណ៌ទឹកប្រាក់ ពាក់ស្លាក់​លេខ ភ្នំពេញ 2W-9056 បើកបរដោយបុរសម្នាក់ សង្ស័យស្រវឹង ដោយបានបើករថយន្តក្នុងល្បឿនលឿន លុះបានមកដល់ចំណុចកើតហេតុ ក៏ជ្រុល​ចង្កូតទៅបុកនឹងគល់ស្ពានយ៉ាងពេញទំហឹង បណ្ដាលឲ្យរថយន្តរងការខូចខាតផ្នែកខាងមុខមិនអាចបើកទៅមុខកើត ទើបម្ចាស់រថយន្តខាងលើ បានបើក​ទ្វារថយន្តដាក់មេប្រូចបាត់តែម្តង ដោយបន្សល់ទុករថយន្តនៅកន្លែងកើតហេតុ ។

ក្រោយពីហេតុការណ៍នេះបានកើតឡើង សមត្ថកិច្ចនគរបាលចរាចរណ៍ខណ្ឌទួលគោកបានចុះមកធ្វើការពិនិត្យនិងវាស់វែងដល់កន្លែងកើតហេតុ ដោយ​បាន​ប្រគល់រថយន្តខាងលើ យកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីរង់ចាំម្ចាស់រថយន្តចូលខ្លួន មកដោះស្រាយ​គ្នាតាមផ្លូវច្បាប់៕

គ្រោះថ្នាក់

គ្រោះថ្នាក់

គ្រោះថ្នាក់

គ្រោះថ្នាក់

គ្រោះថ្នាក់

គ្រោះថ្នាក់