Post News Media ព័ត៌មានជាតិ អភិបាលខេត្តរត...

អភិបាលខេត្តរតនគិរី បើកសម្ភោធការដ្ឋានជួសជុលផ្លូវខេត្តលេខ៣៧៨៩

ចែកចាយបន្ត

រតនគិរី: អភិបាលខេត្តរតនគិរីលោក ថង សាវុន នាព្រឹកថ្ងៃទី៦ខែតុលាឆ្នាំ២០១៦ បាន​អញ្ជើញ​ជាអធិបតីភាពក្នុងពិធីសម្ពោធការដ្ឋានជួសជុលផ្លូវខេត្ត លេខ៣៧៨៩ ប្រវែង៣០០០ម៉ែត្រ ពីចំណុចភូមិ​ប៉ាអរ ឃុំកិចុង ស្រុកបកែវ ឆ្ពោះទៅស្រុកអណ្តូងមាស។

លោក ស៊ុន ប៉ូលិន ប្រធានមន្ទីរសារធារណ:ការនឹងដឹកជញ្ជូនខេត្តរតនគិរី បានមានប្រសាសន៍ថា ផ្លូវខេត្តលេខ​៣៧៨៩ នេះតភ្ជាប់ពីផ្លូវជាតិលេខ៧៨ ប្រវែង៣២ គីឡូម៉ែត្រ ក្នុងចំនួន៣២ គីឡូម៉ែត្រនេះរាជរដ្ខាភិបាល បាន​ទម្លាក់​កញ្ចប់ថវិកាធ្វើការស្ថាបនាសាងសង់ជាប្រភេទគ្រឹះថ្មម៉ិច នឹងក្រាលកៅស៊ូពីរជាន់ DBDT បានប្រវែង​១៤,៧០០​ម៉ែត្រការ៉េ ហើយដោយចំណាយថវិកា១៧ ពីចំនួន២,១៧៥,៥៣៧,៥០០រៀល ។ដោយឡែកថ្ងៃនេះគឺមន្ទីរ​សារ​ធារណ:​ការខេត្ត បន្តធ្វើ៣០០ម៉ែត្របន្ថែមទៀតតាមជំហានដែលថវិកាជាតិផ្តល់ឲ្យសម្រាប់ឆ្នាំ២០១៦។

លោកប្រធានមន្ទីរបន្តថា ផ្លូវខេត្តលេខ៣៧៨៩ ជាផ្លូវមួយមានសារ:សំខាន់សម្រាប់សេដ្ឋកិច្ចនឹងការអភិវឌ្ឃន៍ ក្នុង​ស្រុកបកែវនិងស្រុកអណ្តូងមាសក៏ដូចសម្រាប់ខេត្តទាំងមូលផងដែរ។

នាឱកាសនេះ លោក ថង សាវុន អភិបាលខេត្តរតនគិរី បានលើកឡើងពីការរីកចម្រើនរបស់ប្រទេស​ជាតិកើនគ្រប់​វិស័យ។ លោកបន្តថា រាជរដ្ឋាភិបាលកម្ពុជា ក្រោមការដឹកនាំប្រកបដោយភាពឈ្លាសវៃវិស័យ ហេដ្ឋារចនាសម្ពន្ធ័ ផ្លូវថ្នល់ ស្ពាននិងហេដ្ឋារចនាសម្ពន្ធ័រូប វត្ថុដ៍ទៃទៀត បាននឹងកំពុងរីកដុះដាលនៅពាសពេញផ្ទៃប្រទេស ដោយ​សម្តេច​ចាត់ទុកផ្លូវ ស្ពានជាសសៃឈាម សេដ្ឋកិច្ចជាតិ ហើយមានផ្លូវមានស្ពានគឺមានក្តីសង្ឃឹម។

លោក អភិបាលខេត្ត បានចាត់ទុកផ្លូវខេត្ត លេខ៣៧៨៩ បកែវ អណ្តូងមាសជាផ្លូវសេដ្ឋកិច្ចមួយដ៏សំខាន់ដើម្បី​បម្រើ​ឲ្យផលប្រយោជន៍ ប្រជាពលរដ្ឋក្នុងស្រុកទាំងពីរចាងលើក្នុងការដឹក កសិផលផ្សេងៗ ដែលប្រមូលបានទៅ​កាន់​ទីផ្សារក៏ដូចជាការងាយស្រួលក្នុងការដឹកសម្ភារ:សំណង់គ្រឿឧបភោគដែលផ្គត់ផ្គង់ដល់ ជីវភាព រស់នៅប្រចាំថ្ងៃ​រ​បស់​ប្រជាពលរដ្ឋក្នុងស្រុកបកែវនិងស្រុកអណ្តូងមាស។ដើម្បីឲ្យដំណើរការ ជួសជុលផ្លូវនេះទទួលបានជោគជ័យ លោកអភិបាលខេត្តបាន សំណូមពរដល់បងប្អូនប្រជាពលរដ្ឋទាំងអស់ជួយសហការកុំដឹកជញ្ជូន សំពីងសំពោង ជា​ពិសេស​អាជ្ញាធរស្រុកទាំងពីរ ផ្សព្វផ្សាយឲ្យបានទូលំទូលាយដល់ប្រជាពលរដ្ឋរបស់ខ្លួន​ដែលរស់នៅតាម​បណ្តោយ​ផ្លូវ សូមចូលរួមសហការសម្របសម្រួល រាល់បញ្ហាដែលប៉ះពាល់ដល់ដំណើរការជួសជុលផ្លូវ នេះផងដែរ។ បន្ទាប់​ពី​ការជួបសំណេះសំណាលនេះរួចមក ក៏មានការជូនអំណោយអនុស្សាវរីយ៍ដល់ប្រជាពលរដ្ឋចូលរួមជាង១០០នាក់ ម្នាក់ទទួលបានក្រម៉ា០១ ថវិកា១ម៉ឺនរៀល និងឧបត្ថម្ភដល់អាជ្ញាធរស្រុកទាំងពីរក្នុងមួយស្រុក៤០០ពាន់រៀល រួចមក​លោក ថង សាវុន ក៏បានអញ្ជើញ បញ្ជារគ្រឿងចក្រជានិមិត្ត រូបនៃការចាប់ផ្តើម ដាក់ឲ្យដំណើរជួសជុលកំណាត់​ផ្លូវខេត្ត លេខ៣៧៨៩ ប្រវែង៣០០ម៉ែត្រ ទទឹង៧ ក្រាលកៅស៊ូប្រភេទDBST ពីចំណុចភូមិប៉ាអរ ឃុំកិចុង ស្រុក​បកែវ ឆ្ពោះទៅកាន់ស្រុកអណ្តូងមាស ចាប់ពីពេលនេះតទៅ ៕

សម្ភោធផ្លូវ

សម្ភោធផ្លូវ

សម្ភោធផ្លូវ

សម្ភោធផ្លូវ

សម្ភោធផ្លូវ