Post News Media ព័ត៌មានជាតិ សមត្ថកិច្ចចាប...

សមត្ថកិច្ចចាប់ខ្លួនជនសង្ស័យ២នាក់ ជាប់ពាក់ពន្ធ័នឹងករណីគ្រឿងញៀន

ចែកចាយបន្ត

កំពង់ចាម: ជនសង្ស័យចំនួន២នាក់ ត្រូវបានសមត្ថកិច្ចនគរបាលស្រុកចំការលើ រួមនឹងនគរបាលស្រុកកងមាស ធ្វើការចាប់ឃាត់ខ្លួន​ដោយ​មាន​ម្នាក់ជាប់ពាក់ពន្ធ័នឹងករណីជួញដូរគ្រឿងញៀនជាក់ស្តែង និងម្នាក់ទៀតត្រូវបានសមត្ថកិច្ចចាប់ខ្លួនតាមដីការ​បង្គាប់របស់​សាលាដំបូងខេត្ត ពាក់ពន្ធ័នឹងករណីប្រើប្រាស់នូវសារធាតុញៀនខុសច្បាប់ ។

សមត្ថកិច្ចបានឲ្យដឹងថា ជនសង្ស័យដែលចាប់ខ្លួនទាំង២នាក់នេះ ទី១ឈ្មោះ លាង សាវុធ ភេទប្រុស អាយុ៣៧ឆ្នាំស្នាក់នៅ​ភូមិ​សារ៉ាយ ឃុំបុសខ្នុរ ស្រុកចំការលើ ខេត្តកំពង់ចាម ត្រូវបានសមត្ថកិច្ចនគរបាលស្រុកចំការលើ ធ្វើការចាប់ឃាត់ខ្លួនបានកាលពី៣ ខែតុលា ឆ្នាំ២០១៦ នៅក្នុងភូមិសារ៉ាយ ឃុំបុសខ្នុរ ស្រុកចំការលើ ខេត្តកំពង់ចាម ដោយសមត្ថកិច្ចធ្វើការដកហូតបាន ថ្នាំញៀន​ប្រភេទម្សៅក្រាមពណ៌ស ចំនួន០៧កញ្ចប់ (០៤កញ្ចប់ធំ និង០៣កញ្ចប់តូច) ប្រាក់ដុល្លារចំនួន២៣៥ដុល្លារ ប្រាក់រៀលចំនួន ១,០០០,០០០ រៀល និងទូរស័ព្ទដៃចុចពិលចំនួន០១គ្រឿង ។ ហើយបច្ចុប្បន្នជនជាប់ចោទត្រូវបានសមត្ថកិច្ចបញ្ជូន​ទៅឃុំខ្លួននៅ​ពន្ធនាគារខេត្តកំពង់ចាមរួចរាល់ហើយកាលថ្ងៃទី៦ ខែតុលា ឆ្នាំ២០១៦ ។

សមត្ថកិច្ចបានបន្តថា ចំណែកជនសង្ស័យទី២មានឈ្មោះ ណយ វិរ: ហៅវី ភេទប្រុស អាយុ២៧ឆ្នាំ ស្នាក់នៅភូមិស្វាយតាហែន ឃុំរការគយ ស្រុកកងមាស ខេត្តកំពង់ចាម ត្រូវបានសមត្ថកិច្ចស្រុកកងមាស សហការជាមួយកម្លាំងប៉ុស្ដិ៍នគរបាលរដ្ឋបាល​រការ​គយ ចាប់ឃាត់ខ្លួនតាមដីកាបង្គាប់ឲ្យចាប់ខ្លួនលេខ ៤១៨៩ត.ព្រ ចុះថ្ងៃទី១១ ខែវិច្ឆិកា ឆ្នាំ២០១៥ ចេញដោយលោកហៃ ណៃ​ហេង ចៅក្រមស៊ើបសួរសាលាដំបូងខេត្តកំពង់ចាម ត្រូវចោទពីបទ សម្រួលឲ្យប្រើប្រាស់ដោយ ខុសច្បាប់នូវសារធាតុញៀនដែលប្រ​ព្រឹត្ត​កាល​ពី​ថ្ងៃទី២ ខែកញ្ញា ឆ្នាំ២០១៥ នៅភូមិស្វាយតាហែន ឃុំរការគយ ស្រុកកងមាស ខេត្តកំពង់ចាមបទល្មើស​ព្រហ្មទណ្ឌ​ដែលបានចែងនិងផ្ដន្ទាទោសតាម បញ្ញត្តិមាត្រាលេខ៤៤និងមាត្រាលេខ៤៥ នៃច្បាប់ស្ដីពីការត្រួតពិនិត្យ​គ្រឿងញៀន។ បច្ចុប្បន្ន​ជនជាប់ចោទត្រូវបានសមត្ថកិច្ចបញ្ជូនមកឃុំខ្លួនបណ្តោះអាសន្ននៅស្នងការដ្ឋានខេត្តកំពង់ចាម និងកសាងសំណុំរឿងបញ្ជូន​ទៅសាលាដំបូងចាត់ការតាមនីតិវិធី៕

គ្រឿងញៀន

គ្រឿងញៀន

pគ្រឿងញៀន

គ្រឿងញៀន

គ្រឿងញៀន

គ្រឿងញៀន