Post News Media ព័ត៌មានជាតិ បើកម៉ូតូបុកឆ្...

បើកម៉ូតូបុកឆ្កែបណ្តាលឲ្យជនបរទេសម្នាក់របួសធ្ងន់

ចែកចាយបន្ត

រតនគិរី: បុរសជនជាតិអង់គ្លេសម្នាក់ បើកម៉ូតូក្នុងល្បឿនលឿន ចាប់ហ្វ្រាំងមិនទាន់បុកឆ្កែដែលកំពុង​រត់ឆ្លង​ផ្លូវ បណ្តាលឲ្យដួលរងរបួសធ្ងន់ ចំណែកឆ្កែងាប់។ ហេតុការណ៍នេះបានកើតឡើង កាលពីវេលាម៉ោង៩និង២០នាទី ថ្ងៃទី០៦ ខែតុលា ឆ្នាំ២០១៦ នៅចំណុចចន្លោះបង្គោល២៨២-២៨១ លើផ្លូវជាតិលេខ ៧៦ ភូមិព្រួក ឃុំបាតាង ស្រុកលំផាត់ ខេត្តរតនគិរី ។

សមត្ថកិច្ចបានឲ្យដឹងថា បុរសដែលរងរបួសធ្ងន់ខាងលើ មានឈ្មោះ ភីត ធើរ័ ភេទប្រុស អាយុ៤៩ឆ្នាំ ជនជាតិអង់គ្លេស ជាភ្ញៀ​វ​អ្នកទេសចរណ៍ ។ មុនពេលកើតហេតុ បុរសជនជាតិអង់គ្លេស ខាងលើនេះ បានបើកម៉ូតូម៉ាក ត្រៃ ពណ៌ក្រហម ពាក់ស្លាក​លេខ ភ្នំពេញ1DQ-1308 ធ្វើដំណើរពីជើង ទៅត្បូង ក្នុងបំណងចេញពីខេត្តរតនគិរី ទៅមណ្ឌល​គិរី លុះបានមកដល់​ចំណុច​កើតហេតុ ស្រាប់តែមានឆ្កែរត់កាត់ផ្លូវ ជាហេតុធ្វើឲ្យគាត់ចាប់ហ្វ្រាំងមិនទាន់ បណ្តាលឲ្យដួលបោកទៅលើដងផ្លូវ រងរបួសធ្ងន់តែម្តង ចំណែក​ឆ្កែខាងលើបានងាប់ភ្លាមៗនៅនឹងកន្លែង ។

ក្រោយពីហេតុការណ៍នេះបានកើតឡើង សមត្ថកិច្ចនគរបាលចរាចរណ៍មូលដ្ឋានបានចុះមកធ្វើការពិនិត្យ​និងវាស់វែងដល់​កន្លែងកើត​ហេតុ និងបានអន្តរាគមន៍ហៅរថយន្តសង្គ្រោះបន្ទាន់របស់ស្នងការនគរបាលខេត្ត មកដឹកយកជនរងគ្រោះ​ទៅមន្ទីពេទ្យបង្អែកខេត្ត​រតនគិរី ចំណែកម៉ូតូត្រូវបានសមត្ថកិច្ចយកទៅរក្សាទុកបណ្តោះអាសន្ន នៅអធិការដ្ឋាននគរបាលស្រុកលំផាត់ ៕

បុកឆ្កែ

បុកឆ្កែ

បុកឆ្កែ

បុកឆ្កែ

បុកឆ្កែ