Post News Media ព័ត៌មានជាតិ ក្រោយទទួលព័ត៌...

ក្រោយទទួលព័ត៌មានពីការគំរាមកំហែង តំណាងរាស្រ្ត CNRP មិនចូលរួមប្រជុំសភា

ចែកចាយបន្ត

ភ្នំពេញ: អ្នកនាំពាក្យគណបក្សសង្គ្រោះជាតិលោក យឹម សុវណ្ណ បានឲ្យដឹងថា តំណាងរាស្ត្រគណបក្សសង្គ្រោះជាតិមិនចូលរួមប្រជុំនៅរដ្ឋសភាទេនាព្រឹកនេះ ដោយសារពីមុននេះយើងឃើញថា ស្ថានការនយោបាយហាក់បីជាមានអំណោយផល យើងឃើញថា មានការបញ្ជូនសារទៅវិញទៅមករវាងថ្នាក់នាំគណបក្សបង្ហាញពីភាពវិជ្ជមានថា ថ្ងៃនេះតំណាងគណបក្សង្គ្រោះជាតិនឹងអាចទៅចូលរួមប្រជុំបាន ប៉ុន្តែព័ត៌មានចុងក្រោយ ដែលយើងទទួលបានពីប្រភពដែលអាចជឿជាក់ គឺថាមានការគំរាមកំហែងទៅលើតំណាងរាស្រ្តគណបក្សសង្គ្រោះជាតិ អ៊ីចឹងបានជាយើងធ្វើការប្រមែលប្រមូលព័ត៌មានព្រឹកមិញ ហើយយើងជួបជុំគ្នាធ្វើសេចក្តីសម្រេចរួមគ្នាថា តំណាងរាស្រ្តគណបក្សសង្គ្រោះជាតិទាំងអស់ នឹងមិនទៅចូលរួមប្រជុំសភានៅថ្ងៃនេះទេ។

លោកបានបន្តថា ដោយឡែកការប្រជុំក្រោយៗទៀត យើងនឹងរង់ចាំមើលស្ថានការបន្តទៀត បើកិច្ចប្រជុំនោះមានសារ:សំខាន់ យើងនឹងចូមរួម តែបើមិនមានការចាំបាច់ ឬមិនមានសារសំខាន់ទេ យើងមិនចូលរួមប្រជុំទេ ហើយម្យ៉ាងទៀតយើងពិនិត្យទៅលើបរិយាកាសនយោបាយផងដែរ បើសិនបរិយាកាសនយោបាយមានអំណោយផល អាហ្នឹងយើងនឹងចូលរួម តែបើគ្មានអំណោយផលទេ យើងរក្សាសិទ្ធិចូលរួម ឬមិនចូលរួមក្នុងការប្រជុំនាពេលខាងមុខនោះ។

លោកបានបញ្ជាក់ផងដែរថា គណបក្សសង្គ្រោះមិនធ្វើពហិកាក្នុងធ្វើការនៅក្នុងរដ្ឋសភានោះទេ ពីព្រោះការធ្វើការបម្រើប្រទេសជាតិ ក្នុងការបំពេញកាតព្វកិចច្ចជាអ្នកតំណាងរាស្រ្តមានច្រើន មិនមែនមានតែការប្រជុំសភាមួយប៉ុណ្ណោះទេ គឺថាមានការចុះទៅសួរសុខទុក្ខប្រជាពលរដ្ឋ ស្ដាប់យកនូវសំណូមពរ ការព្រួយបារម្ភ ការចង់បានរបស់ប្រជាពលរដ្ឋ ធ្វើជាអ្នកដើរតួនាទីបញ្ជូនសារនូវសេចក្តីត្រូវការរបស់ប្រជាពលរដ្ឋពីម្ចាស់ឆ្នោតមករាជរដ្ឋាភិបាល ហើយម៉្យាងទៀត គណ:កម្មការរបស់យើងគ្រប់គ្រងដោយគណ:កម្មការសភា និងគ្រប់គ្រងដោយគណបក្សសង្គ្រោះជាតិ ក៏នៅតែបន្តការងារធ្វើការជាធម្មតា អ៊ីចឹងហើយគណបក្សសង្គ្រោះជាតិ និងតំណាងរាស្រ្តគណបក្សសង្គ្រោះជាតិមិនធ្វើពហិកាទេ ក៏ប៉ុន្តែក្នុងការប្រជុំនីមួយៗ យើងសុំរក្សាសិទ្ធិក្នុងការពិនិត្យ ថាតើយើងចូលរួម ឬមិនចូលរួម ស្ថានការនយោបាយអំណោយផល ឬមិនអំណោយផល គឺយើងបន្តធ្វើបែបនេះតទៅទៀត៕

photo_2016-10-07_10-52-33

photo_2016-10-07_10-52-36

photo_2016-10-07_10-52-57

photo_2016-10-07_10-53-00

photo_2016-10-07_10-53-02

photo_2016-10-07_10-53-04

photo_2016-10-07_10-53-07

photo_2016-10-07_10-52-16

photo_2016-10-07_10-52-19

photo_2016-10-07_10-52-22

photo_2016-10-07_10-52-24

photo_2016-10-07_10-52-27

photo_2016-10-07_10-52-29

photo_2016-10-07_10-52-31

photo_2016-10-07_10-52-55

photo_2016-10-07_10-52-40

photo_2016-10-07_10-52-43

photo_2016-10-07_10-52-46

photo_2016-10-07_10-52-49

photo_2016-10-07_10-52-52