Post News Media ព័ត៌មានទូទៅ ប្រធានាធិបតីហ...

ប្រធានាធិបតីហ្វីលីពីន: អាមេរិក និងអឺរ៉ុបអាចដកជំនួយខ្លួនបាន បើមិនពេញចិត្តនឹងគោលនយោបាយថ្នាំញៀនខ្ញុំ

ចែកចាយបន្ត

ហ្វីលីពីន: ថ្លែងក្នុងវេទិកាមួយ ប្រធានាធិបតីហ្វីលីពីនលោក Rodrigo Duterte បាននិយាយទៅកាន់ អាមេរិក និងសហភាពអឺរ៉ុបថា គួរតែដកជំនួយរបស់ខ្លួនចេញ ប្រសិនបើពួកគេមិនសប្បាយចិត្ត ជាមួយគោលនយោបាយសង្គ្រាមថ្នាំញៀនរបស់លោក។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី០៧ ខែតុលា ឆ្នាំ២០១៦។

បន្ទាប់ពីថ្លែងរបស់លោក Duterte រួច នៅថ្ងៃសុក្រនេះ រដ្ឋមន្ត្រីក្រសួងការពារជាតិលោក Delfin Lorenzana បានបញ្ជាក់ថា «យោធាហ្វីលីពីនអាចគ្រប់គ្រងខ្លួនឯងបាន ដោយមិនចាំបាច់ពឹងជំនួយ សហរដ្ឋអាមេរិកនោះទេ»។

ដោយលោករដ្ឋមន្ត្រី បានអះអាងថា «ខ្ញុំគិតថា យើងអាចរស់នៅដោយគ្មានជំនួយនោះ ហើយសភា របស់យើងឥឡូវ ក៏នឹងផ្តល់នូវថវិកាឲ្យយើងគ្រប់គ្រាន់ សម្រាប់តម្រូវការយើងផងដែរ។ ខ្ញុំជឿថា ពួកគេនឹងផ្តល់ឲ្យយើងបន្ថែមទៀត ប្រសិនបើយើងមិនមានប្រភពមូលនិធិដទៃទៀត៕

philippines-defence-minister-says-military-can-manage-without-us-aid